អ្នកនាំពាក្យនៃប្រធានាធិបតីរុស្ស៊ី លោក Dmitry Peskov

លោក Peskov បានលើកច្បាស់ថា "យើងខ្ញុំសូមអបអរសាទរចំពោះការដែលវេទិកាសេដ្ឋកិច្ច ដាវ៉ូសនិងថ្នាក់ដឹកនាំវេទិកានេះដែលបានទទួលយកជំហររបស់យើងខ្ញុំស្តីពីអំពីការមិនអនុញ្ញាតឲ្យមានអំពើរើសអើងចំពោះអាជីវកររុស្ស៊ីនោះទេ"។

          នាថ្ងៃទី ១៤ ខែធ្នូ ទីភ្នាក់ងារសារព័តណ៌មានរុស្ស៊ី TASS បានឲ្យដឹងថាគណៈកម្មការរៀបចំវេទិកាសេដ្ឋកិច្ច ដាវ៉ូសបានលុបចោលរាល់ការរារាំង ចំពោះការចូលរួមវេទិកានេះរបស់ធអាជីវកររុស្ស៊ីដែលកំពុងទទួលរងការដាក់ទណ្ឌកម្មពីសហភាពអឺរ៉ុប (EU) និងសហរដ្ឋអាមេរិក។ មុននេះ នាយករដ្ឋមន្ត្រីរុស្ស៊ី លោក Dmitry Medvedev បានប្រកាសថាប្រទេសរុស្ស៊ីបានបដិសេធចូលរួមក្នុងវេទិការដាវ៉ូស ប្រសិនបើគណៈកម្មការរៀបចំវេទិកានេះមិនផ្លាស់ប្តូរលើសេចក្តីសម្រេចចិត្តចំពោះអាជីវកររុស្ស៊ីនោះឡើយ៕