អាទិភាពកំពូលនៃដំណើរទស្សនកិច្ចរបស់ប្រធានាធិបតីបារាំង Macron គឺដើម្បីស្វែងរកការឯកភាពគ្នា ក្នុងទស្សនៈរបស់ភាគីទាំងពីរលើបញ្ហាអ៊ុយក្រែន។

ទាក់ទង់នឹងសេដ្ឋកិច្ច ប្រធានាធិបតីបារាំងលោក Emmanuel Macron នឹងត្រូវស្វែងរកវិធីមួយដើម្បីបញ្ចៀសហានិភ័យនៃការប្រឈមមុខដាក់គ្នាផ្នែកពាណិជ្ជកម្មរវាងភាគីទាំងពីរនៅសងខាងមហាសមុទ្រអាត្លង់ទិក ទាក់ទង់នឹង"ច្បាប់កាត់បន្ថយអតិផរណា" (IRA) របស់សហរដ្ឋអាមេរិកដែលមានតម្លៃជិត ៣៧០ ពាន់លានដុល្លារ ត្រូវបានគេរំពឹងថា នឹងចូលជាធរមានចាប់ពីដើមឆ្នាំ ២០២៣។

តាមការរំពឹងទុក មេដឹកនាំបារាំង និងអាមេរិកក៏នឹងពិភាក្សាលើបញ្ហាសំខាន់ៗដូចជា ការប្រែប្រួលអាកាសធាតុ កិច្ចសហប្រតិបត្តិការក្នុងវិស័យអវកាស នុយក្លេអ៊ែរ ឬនៅក្នុងតំបន់ឥណ្ឌូ-ប៉ាស៊ីហ្វិក និងគោលនយោបាយចំពោះចិនផងដែរ។

ក្នុងដំណើរទស្សនកិច្ចរយៈពេលបីថ្ងៃនៅសហរដ្ឋអាមេរិក ប្រធានាធិបតីបារាំងលោក Emmanuel Macron ក៏នឹងមានជំនួបជាមួយមន្ត្រីជាន់ខ្ពស់ផ្សេងទៀតក្នុងរដ្ឋបាលសហរដ្ឋអាមេរិកដូចជា អនុប្រធានាធិបតី Kamala Harris រដ្ឋមន្ត្រីការបរទេស Antony Blinken ក៏ដូចជាថ្លែងសុន្ទរកថានៅរដ្ឋសភាអាមេរិកផងដែរ៕