ប្រធានាធិបតីបេឡារុស្សត្រៀមខ្លួនជាអ្នកសម្រុះសម្រួលកិច្ចចរចាសន្តិភាពរុស្ស៊ី-អ៊ុយក្រែន
(VOVWORLD) - នៅក្នុងសុន្ទរកថានៅទីក្រុង Minsk កាលពីថ្ងៃទី ៦ កក្កដា ប្រធានាធិបតីបេឡារុស្ស លោក Alexander Lukashenko បានប្រកាសថា លោកបានត្រៀមខ្លួនជាស្រេចក្នុងការសម្រុះសម្រួលកិច្ចចរចាសន្តិភាពលើបញ្ហាអ៊ុយក្រែន ប្រសិនបើទីក្រុងម៉ូស្គូ និងទីក្រុងគៀវត្រូវការ។
 ប្រធានាធិបតីបេឡារុស្ស លោក Alexander Lukashenko ។ (រូបថត៖ AFP/TTXVN) |
លោក Lukashenko បានឲ្យដឹងថា ការចរចាលើបញ្ហាអ៊ុយក្រែនបានឈានដល់ភាពទាល់ច្រក ប៉ុន្តែនៅមានឱកាសដើម្បីស្វែងរកដំណោះស្រាយ។ បើតាមលោក ការចរចាដើម្បីដោះស្រាយជម្លោះរវាងរុស្ស៊ីនិងអ៊ុយក្រែនអាចនឹងចាប់ផ្តើមនៅរដូវស្លឹកឈើជ្រុះ។ យោងតាមលោក Lukashenko អឺរ៉ុបបានត្រៀមខ្លួនសម្រាប់ការចរចាសន្តិភាពលើបញ្ហាអ៊ុយក្រែន។ មេដឹកនាំបេឡារុស្សជឿជាក់ថា ចិនអាចដើរតួនាទីយ៉ាងសំខាន់ក្នុងការដោះស្រាយបញ្ហានៅអ៊ុយក្រែន។ ទាំងរុស្ស៊ី និងអ៊ុយក្រែនមិនទាន់ធ្វើអត្ថាធិប្បាយលើព័ត៌មាននេះនៅឡើយទេ៕