ប្រធានាធិបតីរុស្ស៊ីនឹងអញ្ជើញទៅបំពេញទស្សនកិច្ចនៅបារាំងមុនពេលសន្និសីទកំពូល G7  (VNA)

(VOVworld) – នាថ្ងៃទី ២៧ កក្កដា ប្រធានាធិបតីបារាំង លោក Emmanuel Macron បានបញ្ជាក់ថា៖ លោកបានអញ្ជើញសមភាគីរុស្ស៊ីលោក Vladimir Putin មកបំពេញទស្សនកិច្ចនៅបារាំងនាថ្ងៃទី ១៩ សីហា ខាងមុខនេះ នៅទីកន្លែងសំរាកលំហែកាយរបស់ប្រធានាធិបតី Fort de Bregacon ដែលស្ថិតនៅឆ្នេរសមុទ្រម៉េឌីទេរ៉ាណេ ក្នុងរយៈពេលមុនប៉ុន្មានថ្ងៃដែលបារាំងរៀបចំសន្និសីទក្រុមបណ្ដាខឿនសេដ្ឋកិច្ចអភិវឌ្ឍន៍ជួរមុខ លើពិភពលោក G7 ដែលក្រោងនឹងប្រព្រឹត្តទៅចាប់ពីថ្ងៃទី  ២៤ ដល់ទី ២៦ ខែសីហានៅទីក្រុង Biarritz ប្រទេសបារាំង។ ថ្លែងមតិទៅកាន់មជ្ឈដ្ឋានសារព័ត៌មាន ប្រធានាធិបតីបារាំងបានឲ្យដឹងថា ៖ លោកបានជ្រើសរើស Fort de Bregacon ដោយសារ «នេះជាទីតាំងសមស្របនឹងជំនួបធ្វើការតាមទូរស័ព្ទនិងទទួលថ្នាក់ដឹកនាំបរទេសនានា»៕