ប្រធានាធិបតីអាមេរិក លោក Joe Biden (រូបថត៖ AFP)

ប្រធានាធិបតីអាមេរិក លោក Joe Biden កាលពីថ្ងៃទី ២២ ខែវិច្ឆិកា បានតែងតាំងលោក Jerome Powell កាន់តំណែងជាប្រធានធនាគារកណ្តាលអាមេរិក (FED) ដើម្បីរក្សា "ស្ថិរភាព និងឯករាជ្យភាព" របស់ធនាគារកណ្តាល ក្នុងបរិបទ ដែលសហរដ្ឋអាមេរិក ត្រូវប្រឈមនឹងបញ្ហាសាកល្បង ក្នុងដំណើរការស្ដារសេដ្ឋកិច្ចយ៉ាងពេញលេញឡើងវិញ។ ទន្ទឹមនឹងនេះ លោកប្រធានាធិបតី Biden ក៏បានតែងតាំងលោកស្រីទេសាភិបាល Lael Brainard ដែលជាសមាជិកាតែមួយកត់នៃគណបក្សប្រជាធិបតេយ្យ ក្នុងក្រុមប្រឹក្សាភិបាលធនាគារកណ្ដាលកាន់តំណែងជាអនុប្រធានធនាគារកណ្ដាល។

សូមបញ្ជាក់ដែរថា លោក Powell ដែលមានវ័យ ៦៨ ឆ្នាំ មានបទពិសោធន៍សម្របស្រួលផ្នែកហិរញ្ញវត្ថុក្នុងរយៈពេលជាច្រើនឆ្នាំ។ លោកធ្លាប់កាន់តំណែងជាសមាជិកនៃក្រុមប្រឹក្សាភិបាលធនាគារកណ្ដាលអាមេរិក និងជាប្រធាន ធនាគារកណ្ដាលអាមេរិក។ ក្នុងពេលនោះ លោកស្រី Federal Reserve ដែលមានវ័យ ៥៩ ឆ្នាំ ធ្លាប់កាន់តំណែងជាសមាជិកាក្រុមប្រឹក្សាភិបាលធនាគារកណ្ដាល អនុរដ្ឋមន្ត្រីក្រសួងហិរញ្ញវត្ថុទទួលបន្ទុកបញ្ហាអន្តរជាតិ និងជាទីប្រឹក្សាសេដ្ឋកិច្ច និងពាណិជ្ជកម្មជួរមុខរបស់អតីតប្រធានាធិបតី Bill Clinton ផងដែរ៕