(VOV)_នាព្រឹកថ្ងៃទី២៤ឧសភា នៅទីក្រុងហាណូយ ប្រធានាធិបតីអាមេរិក
 លោកBarack Obama បានមានបទថ្លែងមតិចំពោះកូនសិស្ស និស្សិត មជ្ឈដ្ឋានអ្នក
បញ្ញា និងប្រជាជនគ្រប់ស្រទាប់រាប់ពាន់នាក់។ ចាប់ផ្តើមបទថ្លែងមតិ ប្រធានាធិបតី 
លោក Barack Obama បានថ្លែងអំណរគុណចំពោះមនោសញ្ជេតនាកក់ក្តៅដែលថ្នាក់
ដឹកនាំបក្ស រដ្ឋ រដ្ឋាភិបាល និងប្រជាជនទីក្រុងហាណូយបានលៃទុកសំរាប់រូបលោក។ 
ក្នុងបទថ្លែងមតិនេះ លោកក៏បានក្រើនរំលឹកអំពីប្រវត្តិសាស្ត្ររបស់វៀតណាមជាច្រើន
 និងខ្សែទំនាក់ទំនងរវាងប្រទេសទាំងពីរក្នុងរយៈពេលប៉ុន្មានឆ្នាំកន្លងទៅ។ ប្រធានាធិ​បតី  លោក Barack Obama បានបង្កើតចំណាប់អារម្មណ៍យ៉ាងខ្លាំង ដោយបានដក់ស្រង់
២ឃ្លា ៖ “ ទឹកដីប្រទេសវៀតណាម ស្តេចវៀតណាមគង់។ ប្រការនេះត្រូវបានបញ្ជាក់ច្បាស់
ក្នុងសៀវភៅរបស់មេឃហើយ​។” នៃបទកំណាព្យ របស់ Ly Thuong Kiet ដោយអះអាងនូវ
អធិបតេយ្យភាព បូរណភាពដែនដី និងមាគា៍ឯករាជ្យ ម្ចាស់ការរបស់វៀតណាម។ ទន្ទឹម
នឹងនោះ លោកក៏បានសង្កត់ធ្ងន់ថា៖ វៀតណាមជាប្រទេសពោពេញទៅដោយប្រពៃណី
ទៀតផង។  ក្នុងប្រវត្តិសាស្ត្រ ប្រជាជនវៀតណាមមិនអាចសម្រេចទៅលើជោគវាសនា
របស់ខ្លួនបានឡើយ។ ប៉ុន្តែ នាបច្ចុប្បន្ន វៀតណាមជាប្រទេសឯករាជ្យ មានអធិប
តេយ្យភាព គ្មានប្រទេសណាមួយអាចសម្រេចជោគវាសនារបស់វៀតណាមបានឡើយ។ ប្រធានាធិបតី លោក  លោក Barack Obama ក៏បានសង្កត់ធ្ងន់ទៅលើសារសំខាន់នៃ
ទំនាក់ទំនងរវាងប្រទេសទាំងពីរទៀតផង។

​ប្រធានាធិបតី លោក Barack Obama

«ប្រទេសទាំងពីរបានមានសង្គ្រាម។​ សង្គ្រាមក្នុងអតីតកាលបានបំផ្លាញចោលទំនាក់
ទំនងរវាងប្រទេសទាំងពីរ ប៉ុន្តែ នាបច្ចុប្បន្ន វាជួយភាគីទាំងពីរប្រក្រតីតាមរយៈបណ្ដា
កម្មវិធី សហប្រតិបត្តិការជំនះពុះពារលើផលវិបាកក្រោយសង្គ្រាមដូចជាការរាវរកបំ
ផ្លាញចោលគ្រាប់ បែកមីននិងការបោះសំអាតជាតិគីមីពូល Dioxine។ អាមេរិកសន្យា
ជួយឧបត្ថម្ភវៀតណាមនៅ កំរិតខ្ពស់បំផុត។ ខ្ញុំជឿជាក់ថា៖ ដំណើរសម្របសម្រួលរវាង
ប្រទេសទាំងពីរកំពុងដឹកនាំដោយ ប្រជាពលរដ្ឋវៀតណាមផងនិងប្រជាពលរដ្ឋអាមេ
រិកផង។ ក្នុងនោះ មានអតីតទាហាន អាមេរិកនានាដូចជាព្រឹទ្ធសមាជិក លោក John
 McCain រដ្ឋមន្ត្រីការបរទេសលោក   John Kerry។ យើងខ្ញុំកំពុងគិតជិតគ្នាថែមទៀត
ពីវិស័យពាណិជ្ជកម្មដល់ការវិនិយោគអប់រំ។ វៀតណាមបាននិងកំពុងចូលរួមក្នុងកំ
លាំងរក្សាសន្តិភាពរបស់ អ.ស.ប.។ ខ្ញុំមាន សុទិដ្ឋិនិយមយ៉ាងខ្លាំងទៅលើអនាគត
រវាងអាមេរិកនិងវៀតណាម។»

ប្រធានាធិបតីអាមេរិក Barack Obama បានអះអាងជាថ្មីម្តងទៅលើការផ្តល់ជំនួយ​
 ឧបត្ថម្ភវៀតណាមជំរុញការចូលរួមក្នុងកិច្ចព្រមព្រៀងដៃគូពាណិជ្ជសេរីឆ្លងមហា
សមុទ្រប៉ាស៊ី ហ្វិក TPP។ ផ្តោតទៅលើសន្តិសុខនាវាចរណ៍លើសមុទ្រខាងកើត
ប្រធានាធិបតី Barack Obama បានចាត់ទុកថា៖

«សណ្តាប់ធ្នាប់អន្តរជាតិត្រូវបានបង្កើតនៅគ្រឹះស្ថានរឹងមាំមួយ។ អធិបតេយ្យភាពនៃ
 ប្រទេសមួយត្រូវបានគោរព។​ មហាអំណាចមិនគប្បីដាក់សម្ពាធទៅលើប្រទេសតូចៗ
ទេ។ រាល់ជំលោះត្រូវដោះស្រាយតាមសន្តិវិធីដោយឈរលើច្បាប់អន្តរជាតិ។ យើងគប្បី
បង្កើត ឡើងយន្តការក្នុងតំបន់មួយក្នុងនោះកិច្ចសហប្រតិបត្តិការនៅតំបន់អាស៊ី
បូព៌ារនិងអាស៊ីអាគ្នេយ៍គគប្បីត្រូវបានបង្កើន។ ស្តីពីបញ្ហាលើសមុទ្រខាងកើត
អាមេរិករួមជាមួយបណ្ដាដៃគូលើក កំពស់នូវគោលការណ៍សារវ័ន្តគឺសេរីភាពនាវាចរណ៍
និងអាកាសចរណ៍។»

ប្រធានាធិបតី Barack Obama បានអះអាងថា៖ ការដែល​ អាមេរិកប្រកាសលុបចោល
 ទាំងស្រុងបទហ៊ុំព័ទ្ធអាវុធចំពោះវៀតណាមបន្ទាប់ពីការចរចារជាមួយប្រធានរដ្ឋ
វៀតណាម លោក Tran Dai Quang នាថ្ងៃទី ២៣ ឧសភា គឺជាភ័ស្តុតាងមួយដែលស
ឲ្យឃើញថា៖ ទំនាក់ទំនងរវាងប្រទេសទាំងពីរត្រូវបានប្រក្រតីលើគ្រប់ជ្រុងជ្រោយ។​
 អាមេរិកនឹងបន្តជួយ ឧបត្ថម្ភវៀតណាមធានាសន្តិសុខសុវត្ថភាពនាវាចរណ៍ ជាដើម។

នារសៀលថ្ងៃទី ២៤ ឧសភា ប្រធានាធិបតី Barack Obama បានអញ្ជើញមកដល់
ទីក្រុងហូជីមិញ​ភាគខាងត្បូងវៀតណាម នាម៉ោង ១៥ នាទី ៥៥ ៕