ប្រធានរដ្ឋ លោក Nguyen Xuan Phuc អញ្ជើញប្រគល់ទង់ជាតិចំនួន ៥ ពាន់ដល់កម្មវិធី “ទង់ជាតិមួយលានទង់អមដំណើរជាមួយអ្នកនេសាទនៅលើសមុទ្រ”
(VOVWORLD) - ក្នុងឱកាសគម្រប់ខួប ២ ឆ្នាំនៃកម្មវិធី “ទង់ជាតិមួយលានទង់អមដំណើរជាមួយអ្នកនេសាទនៅលើសមុទ្រ” នាថ្ងៃទី ១១ មិថុនា ប្រធានរដ្ឋ លោក Nguyen Xuan Phuc បានប្រគល់ជូនទង់ជាតិ ៥ ពាន់ទង់ ជាអំណោយដល់អ្នកនេសាទតាមតំបន់កោះសមុទ្រ ទូទាំងប្រទេស។
 ទូកនេសាទរបស់អ្នកនេសាទវៀតណាមតាំងទង់ជាតិ (រូបថត៖ VOV) |
កម្មវិធី “ទង់ជាតិមួយលាន ទង់ អមដំណើរ ជាមួយអ្នកនេសាទនៅលើសមុទ្រ” នឹងត្រូវអនុវត្តន៍ចាប់ពីថ្ងៃទី ១ ខែមិថុនាឆ្នាំ ២០១៩ ដល់ថ្ងៃទី ១ ខែមិថុនាឆ្នាំ ២០២១។ បន្ទាប់ពីអនុវត្តន៍រយៈពេលបានជិត ២ ឆ្នាំ គិតមក ដល់ពេលនេះ កម្មវិធីបានប្រ គល់ទង់ជាតិជាង ៤០ម៉ឺន ជូនខេត្ត - ក្រុងចំនួន ១៩ (អ្នកទទួលជាអ្នកនេសាទ ដែលចេញ ទៅសមុទ្រ ប្រជាជនរស់នៅតាមព្រំដែនដីគោក និងប៉ុស្តិ៍ការពារព្រំដែនជាដើម)។
នាពេលខាងមុខ កម្មវិធីមានគម្រោង ប្រគល់ទង់ជាតិចំនួន ៥៦០ ពាន់ ដល់ខេត្តនិងក្រុងឆ្នេរសមុទ្រចំនួន ២៨ ទូទាំងប្រទេស។ ប្រការនេះមិនត្រឹមតែជួយអ្នកនេសាទឱ្យមានកម្លាំងសាមគ្គីភាព ទៅនេសាទលើសមុទ្រប៉ុណ្ណោះទេ ថែមទាំងជួយជនរួមជាតិនិងយុទ្ធជននៅតាមតំបន់ព្រំដែន រួបរួមគ្នាដើម្បីការពារព្រំដែននៃប្រទេសជាតិផងដែរ៕