ប្រធានរដ្ឋចិនជួបចរចាជាមួយថ្នាក់ដឹកនាំ ស.ប.ប.ក.

តាមទីភ្នាក់ងារសារព័ត៌មានចិន Xinghua បានឲ្យដឹងថា៖ នាថ្ងៃទី ៨ ឧសភា អគ្គលេខានិងជាប្រធានរដ្ឋចិន លោក Xi Jin-ping និងលេខាទី ១ បក្សពលករ ស.ប.ប.ក. លោក Kim Jong-un បានជួបចរចារក្នុងរយៈពេល ២ ថ្ងៃគឺថ្ងៃទី ៧ និងទី ៨ ឧសភា នៅទីក្រុង  Dalian ខេត្ត Liaoning ចិន។ ក្នុងជំនួបចរចានេះ ប្រធានរដ្ឋចិន លោក Xi Jin-ping បានសង្កត់ធ្ងន់ថា៖ នេះជាពេលវេលាមានចរិត លក្ខណៈសម្រេចខណៈពេលដែលស្ថានភាពលើឧបទ្វីបកូរ៉េមានការផ្លាស់ប្តូរដ៏ធំ ធេងនិងស្មុគស្មាញ។ ដំណើរទស្សនកិច្ចលើកនេះរបស់លេខាទី ១ បក្សពលករ ស.ប.ប.ក. លោក Kim Jong-un បានសឲ្យឃើញនូវសារសំខាន់នៃទំនាក់ទំនង ដៃគូយុទ្ធសាស្ត្ររវាងប្រទេសទាំងពីរ។ រីឯខ្លួនវិញ លោក Kim Jong-un បានចាត់ ទុកថា៖ ទំនាក់ទំនងរវាង ស.ប.ប.ក. និងចិន រួមជាមួយស្ថានភាពលើឧបទ្វីបកូរ៉េ កំពុងមានការបោះជំហានលេចធ្លោ។ ដំណើរទស្សនកិច្ចលើកនេះរបស់លោក Kim Jong-un នឹងជំរុញសន្តិភាពនិងស្ថិរភាពក្នុងតំបន់៕