ប្រធានរដ្ឋ លោក Vo Van Thuong អញ្ជើញទៅទស្សនា និងជួបធ្វើការជាមួយក្រុមហ៊ុន Viettel Group (រូបថត៖ VOV)

លោកប្រធានរដ្ឋអញ្ជើញទៅទស្សនា និងស្តាប់ការណែនាំពីផលិតផលឧស្សាហកម្មបច្ចេកវិទ្យាខ្ពស់របស់ Viettel នៅមណ្ឌលឧស្សាហកម្មបច្ចេកវិទ្យាខ្ពស់ Hoa Lac  និងអញ្ជើញទៅទស្សនាទីស្នាក់ការរបស់ក្រុមហ៊ុនផងដែរ។

នៅក្នុងជំនួបធ្វើការនេះ ប្រធានរដ្ឋលោក Vo Van Thuong បានវាយតម្លៃខ្ពស់ចំពោះតួនាទីរបស់ Viettel ក្នុងការរួមចំណែកដល់ការចូលប្រើទូរស័ព្ទចល័តនៅក្នុងប្រជាជនទាំងមូល និងផ្តល់សេវាអ៊ីនធឺណិត  រួមចំណែកដល់ការបង្កើតឧស្សាហកម្មអេឡិចត្រូនៅវៀតណាម។ Viettel បានក្លាយជាម៉ាកទូរគមនាគមន៍ដ៏មានតម្លៃបំផុតនៅវៀតណាម  លំដាប់លេខ ១ នៅតំបន់អាស៊ីអាគ្នេយ៍ និងលំដាប់លេខ ៩ ក្នុងតំបន់អាស៊ី។ ទាក់ទិននឹងការងារនាពេលខាងមុខ លោកប្រធានរដ្ឋបានស្នើថា៖

“Viettel ត្រូវតែរក្សាតួនាទីរបស់ខ្លួនជាសម្ព័ន្ធក្រុមសេដ្ឋកិច្ចឈានមុខគេរបស់ប្រទេសជាតិ។ ម្យ៉ាងវិញទៀត Viettel ត្រូវតែក្លាយជាគំរូនៃសហគ្រាសរដ្ឋ។ ពោលគឺ យើងត្រូវតែត្រៀមខ្លួនជាស្រេចដើម្បីទទួលយក និងបំពេញភារកិច្ចដែលបានកំណត់ដោយជោគជ័យ។ ចំណែក Viettel ការធ្វើអាជីវកម្មក៏មានទំនាក់ទំនងយ៉ាងជិតស្និទ្ធជាមួយនឹងសកម្មភាពកិច្ចការបរទេសរបស់ប្រទេសដែរ។ ទីពីរ Viettel ត្រូវរក្សាតួនាទីស្នូលរបស់ខ្លួនក្នុងការកសាងបរិវេណឧស្សាហកម្មការពារជាតិដែលមានបច្ចេកវិទ្យាខ្ពស់”។

លោកប្រធានរដ្ឋក៏បានស្នើសុំឱ្យក្រុមបន្តរក្សាតួនាទីត្រួសត្រាយរបស់ខ្លួន ក្នុងការបង្កើតរដ្ឋាភិបាលឌីជីថល សង្គមឌីជីថល និងសេដ្ឋកិច្ចឌីជីថល។ ជាមួយគ្នានោះ ស្រាវជ្រាវ និងផលិតឧបករណ៍ទូរគមនាគមន៍ ដោយផ្តោតលើឧបករណ៍បណ្តាញទូរគមនាគមន៍ បង្កើតឧបករណ៍ និងដំណោះស្រាយដើម្បីធានាសុវត្ថិភាពបណ្តាញ រួមទាំងបញ្ហារក្សាអធិបតេយ្យភាពជាតិលើបណ្តាញអ៊ីនធឺណែត៕