ប្រធានរដ្ឋវៀតណាម លោក Nguyen Xuan Phuc បានអញ្ជើញទស្សនាមណ្ឌលព្យាបាលអ្នកជំងឺកូវីដ ១៩ របស់ទីក្រុងហាណូយ នៅសង្កត់ Hoang Liet ខ័ណ្ឌ Hoang (រូបថត៖ Maibaochinhphu.vn)

អញ្ជើញទស្សនាមណ្ឌលព្យាបាលអ្នកជំងឺកូវីដ ១៩ របស់ទីក្រុងហាណូយ នៅសង្កាត់ Hoang Liet ខ័ណ្ឌ Hoang Mai នោះ លោកប្រធានរដ្ឋបានលើកសំណើរថា៖ “យើងត្រូវទប់ស្កាត់ការឆ្លងជំងឺនៅក្នុងមន្ទីរពេទ្យ។ កម្លាំងសុខាភិបាល កងទ័ព និងនគរបាលត្រូវអនុវត្តន៍វិធានការប្រយុទ្ធប្រឆាំងជំងឺរាតត្បាតយ៉ាងប្ដូរផ្ដាច់ កុំឲ្យឆ្លងជំងឺរាតត្បាតកូវីដ ១៩។ កងទ័ព ប្រជាជន និងកម្លាំងសុខាភិបាលត្រូវសម្របសម្រួលគ្នា លើកកម្ពស់ឆន្ទៈមោះមុត។ លើសពីនេះទៅទៀត យើងត្រូវត្រៀមរៀបចំយ៉ាងហ្មត់ចត់ដើម្បីជួយព្យាបាលអ្នកជំងឺផងដែរ”។

ក្រោយមក លោកប្រធានរដ្ឋ Nguyen Xuan Phuc បានអញ្ជើញទៅទស្សនាទម្រង់ផ្គត់ផ្គង់ទំនិញជូនប្រជាជននៅសង្កាត់ Mai Dong ខ័ណ្ឌ Hoang Mai ។ នៅទីនេះ បានបង្កើតក្រុមការងារជួយផ្គត់ផ្គង់ទំនិញជូនប្រជាជនតាមតម្រូវការ  ដូច្នេះហើយប្រជាជនមិនចាំចាច់ទៅផ្សារឡើយ ដោយគោរពសារាចរលេខ ១៦ របស់លោកនាយករដ្ឋមន្ត្រី។ លោកប្រធានរដ្ឋបានឲ្យដឹងថា៖ “ទោះបីជាជួបការលំបាកក៏ដោយ ប៉ុន្តែដើម្បីបំពេញភារកិច្ចចំពោះប្រទេសជាតិ និងសហគមន៍នោះ ប្រជាជនត្រូវអនុវត្តន៍បទបញ្ញត្តិយ៉ាងហ្មតចត់។ ខ្ញុំសូមកោតសរសើរប្រជាជនដែលបានលះបង់ផលប្រយោជន៍ផ្ទាល់ខ្លួនដើម្បីអនុវត្តន៍គោលការណ៍របស់បក្ស និងរដ្ឋក្នុងការប្រយុទ្ធប្រឆាំងជំងឺរាតត្បាត។ ប្រជាជនស្រុះចិត្តគំនិតគ្នា យើងនឹងប្រយុទ្ធប្រឆាំងជំងឺរាតត្បាតប្រកបដោយជោគជ៏យ”។

ប្រធានរដ្ឋវៀតណាម លោក Nguyen Xuan Phucជួបធ្វើការជាមួយ គណៈបញ្ជាការដ្ឋានបង្ការ ទប់ស្កាត់ជំងឺរាតត្បាតកូវីដ ១៩បង្ការ ទប់ស្កាត់ជំងឺរាតត្បាតកូវីដ ១៩ ទីក្រុងហាណូយ (រូបថត៖ TTXVN)

ក្រោយមក លោកប្រធានរដ្ឋបានអញ្ជើញចុះពិនិត្យមណ្ឌលចាក់វ៉ាក់សាំងនៅសង្កាត់ Bach Dang ខ័ណ្ឌ Hai Ba Trung ព្រមទាំងជួបធ្វើការជាមួយ គណៈបញ្ជាការដ្ឋានបង្ការ ទប់ស្កាត់ជំងឺរាតត្បាតកូវីដ ១៩ ទីក្រុងហាណូយ និងថ្នាក់ដឹកនាំទីក្រុងហាណូយ ដើម្បីពិភាក្សាការប្រយុទ្ធប្រឆាំងជំងឺរាតត្បាតផងដែរ៕