លោកប្រធានរដ្ឋ Nguyen Xuan Phuc ទទួលជួបឯកអគ្គរដ្ឋទូតអូស្ត្រាលី  លោកស្រី Robyn Mudie (រូបថត៖ Thong Nhat/TTXVN)

អញ្ជើញវាយតម្លៃខ្ពស់ចំពោះលោកស្រី ឯកអគ្គរដ្ឋទូត Robyn Mudie ដែលបានបំពេញភារកិច្ចនៅវៀតណាមដោយជោគជ័យ រួមចំណែកធ្វើឱ្យទំនាក់ទំនងដៃគូយុទ្ធសាស្ត្រវៀតណាម - អូស្ត្រាលីកាន់តែស៊ីជម្រៅនោះ ប្រធានរដ្ឋ លោក Nguyen Xuan Phuc ក៏បានអបអរសាទរឯកអគ្គរដ្ឋទូតដែលទទួលបានគ្រឿងឥស្សរិយយសមិត្តភាព ដែលជារង្វាន់ដ៏ថ្លៃថ្លាបស់រដ្ឋវៀតណាមសម្រាប់រាល់ការខិតខំប្រឹងប្រែង និងការរួមចំណែកយ៉ាងសកម្ម ប្រកបដោយប្រសិទ្ធភាពរបស់លោកស្រីឯកអគ្គរដ្ឋទូតក្នុងការអភិវឌ្ឍទំនាក់ទំនងមិត្តភាពរវាងប្រទេសទាំងពីរ។

ទាក់ទងនឹងបញ្ហាសមុទ្រខាងកើត លោកប្រធានរដ្ឋបានសម្តែងគោលបំណងថា អូស្ត្រាលីនឹងបន្តគាំទ្រគោលជំហររបស់វៀតណាមក្នុងការថែរក្សាសន្តិភាព និងស្ថិរភាព ធានាសន្តិសុខ សុវត្ថិភាព សេរីភាពនាវាចរណ៍ និងអាកាសចរណ៍; ការពារសិទ្ធិ និងផលប្រយោជន៍ស្របច្បាប់ ដោះស្រាយការខ្វែងគំនិតគ្នាដោយសន្តិវិធី តាមរយៈការសន្ទនា ដោយឈរលើមូលដ្ឋាននៃការគោរពច្បាប់អន្តរជាតិ ជាពិសេសអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២។

រីឯខ្លួនវិញ លោកស្រីឯកអគ្គរដ្ឋទូត Robyn Mudie មានប្រសាសន៍ថា បើទោះបីជាចូលកាន់មុខតំណែងថ្មីនាពេលខាងមុខក៏ដោយ ក៏លោកស្រីនឹងខិតខំប្រឹងប្រែងជានិច្ច ដើម្បីលើកកម្ពស់ទំនាក់ទំនងប្រទេសទាំងពីរ រួមទាំងការខិតខំប្រឹងប្រែងលើកកំពស់ទំនាក់ទំនងប្រទេសទាំងពីរទៅជាដៃគូយុទ្ធសាស្ត្រគ្រប់ជ្រុងជ្រោយនោឆ្នាំ ២០២៣ ក្នុងឱកាសរំលឹកខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងអូស្ត្រាលី ផងដែរ៕