លោកប្រធានរដ្ឋ Nguyen Xuan Phuc និងលោកជំទាវមកដល់ព្រលានយន្តហោះអន្តរជាតិទីក្រុងហ្សឺណែវ។ (រូបថត៖ VNA)

នៅព្រឹកថ្ងៃទី២៦ ខែវិច្ឆិកា (ម៉ោងតំបន់) ប្រធានរដ្ឋវៀតណាមលោក Nguyen Xuan Phuc និងលោកជំទាវ រួមជាមួយគណៈប្រតិភូជាន់ខ្ពស់វៀតណាម បានទៅកាន់ ព្រលានយន្តហោះអន្តរជាតិទីក្រុងហ្សឺណែវ ចាប់ផ្ដើមដំណើរទស្សនកិច្ចជាផ្លូវការនៅ សហព័ន្ធស្វីស តបតាមការអញ្ជើញរបស់ប្រធានាធិបតីប្រទេសម្ចាស់ផ្ទះលោក Guy Parmelin។

ក្នុងដំណើរទស្សនកិច្ច លោកប្រធានរដ្ឋ Nguyen Xuan Phuc នឹងអញ្ជើញជួប ពិភាក្សាការងារជាមួយប្រធានាធិបតីស្វីសលោក Guy Parmelin ហើយជួបសវនាការ ជាមួយប្រធានក្រុមប្រឹក្សាជាតិលោក Andreas Aebi។

នៅទីក្រុងហ្សឺណែវ លោកប្រធានរដ្ឋគ្រោងនឹងជួបជាមួយអគ្គនាយកការិ យាល័យអង្គការសហប្រជាជាតិប្រចាំនៅហ្សឺណែវ; អគ្គនាយកអង្គការសុខភាពពិភព លោក; និងអគ្គនាយកអង្គការកម្មសិទ្ធិបញ្ញាពិភពលោក។ ចំណុចលេចធ្លោមួយនៃ ដំណើរទស្សនកិច្ចគឺវេទិកាធុរកិច្ចជាន់ខ្ពស់ ក្រោមសហអធិបតីភាពរបស់លោក ប្រធានរដ្ឋវៀតណាមនិងលោកប្រធានាធិបតីស្វីស ដោយមានការចូលរួមរបស់ថ្នាក់ ដឹកនាំសហគ្រាស សម្ព័ន្ធក្រុមហ៊ុនជួរមុខរបស់ស្វីសនិងវៀតណាម៕