ទិដ្ឋភាពនៃជំនួបធ្វើការ។ (រូបថត៖ VOV)

អញ្ជើញថ្លែងមតិក្នុងជំនួបធ្វើការ ប្រធានរដ្ឋសភា លោក Vuong Dinh Hue បានសង្កត់ធ្ងន់ថា ខេត្ត Soc Trang ចាំបាច់ត្រូវធ្វើអាជីវកម្មប្រកបដោយប្រសិទ្ធភាពនូវ ប្រៀបខ្លាំងនៃទីតាំងមាត់សមុទ្រយុទ្ធសាស្ត្រដ៏សំខាន់ និងហេដ្ឋារចនាសម្ព័ន្ធដឹកជញ្ជូន អន្តរតំបន់ ដើម្បីកសាង Soc Trang ក្លាយទៅជាច្រកទ្វារសំខាន់ចូលសមុទ្រខាងកើត នៃតំបន់ដីសណ្ដទន្លេ Cuu Long ជាមជ្ឈមណ្ឌលនៃតំបន់ក្នុងវិស័យកសិកម្ម ឧស្សាហ កម្ម សេវាកម្ម ភស្តុភារ និងគម្រោងថាមពលនានា ដោយមានចំណុចស្នូលគឺកំពង់ផែសមុទ្រ Tran De។

ប្រធានរដ្ឋសភា លោក Vuong Dinh Hue។

លោកប្រធានរដ្ឋសភាបានចាត់ទុកថា បញ្ហាធំរបស់ខេត្ត Soc Trang និងតំបន់ដីសណ្តទន្លេ Cuu Long គឺការតភ្ជាប់ចរាចរណ៍ ហើយពេលមានការតភ្ជាប់នឹងបង្កើតសន្ទុះសម្រាប់មូលដ្ឋាននានា។ ដូច្នេះ ខេត្ត Soc Trang បន្តពន្លឿនដំណើរការនគ រូបនីយកម្ម ធានាការតភ្ជាប់រវាងបណ្ដានគរសំខាន់ៗជាមួយតំបន់ឧស្សាហកម្ម សេវា កម្ម និងមជ្ឈមណ្ឌលដឹកជញ្ជូន; តភ្ជាប់លំហសមុទ្រជាមួយតំបន់ដីគោក; ពន្លឿនការ វិនិយោគលើហេដ្ឋារចនាសម្ព័ន្ធ ជាពិសេសចរាចរណ៍តភ្ជាប់តំបន់។ ទន្ទឹមនឹងនោះ ជំរុញកំណែទម្រង់រដ្ឋបាល ការអភិវឌ្ឍធនធានមនុស្ស ការរៀបចំផែនការមេអំពីការ កែច្នៃកសិផល ហើយអំពាវនាវឱ្យមានការវិនិយោគលើការកែច្នៃកសិផល-ជលផលផងដែរ៕