ប្រធានរដ្ឋសភាបញ្ចប់ដំណើរទស្សនកិច្ចជាផ្លូវការនៅកម្ពុជា ហ្វីលីពីន និងចូលរួម AIPA – 43 ប្រកបដោយជោគជ័យ

នារសៀលថ្ងៃទី២៥ វិច្ឆិកា ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមបានអញ្ជើញមកដល់អាកាសយានដ្ឋាន Noi Bai បញ្ចប់ប្រកបដោយជោគជ័យនូវដំណើរទស្សនកិច្ចជាផ្លូវការនៅព្រះរាជាណាចក្រកម្ពុជា ចូលរួមមហាសន្និបាតអន្តរសភានៃសមាគមន៍ប្រជាជាតិអាស៊ីអាគ្នេយ៍ (AIPA -43) និងដំណើរទស្សនកិច្ចជាផ្លូវការនៅសាធារណរដ្ឋហ្វីលីពីន។

ជាមួយនឹងសកម្មភាពជិត ៥០ ដំណើរទស្សនៈកិច្ចរបស់ប្រធានរដ្ឋសភាវៀតណាម លោក Vuong Dinh Hue បានរួមចំណែកពង្រឹងជំនឿទុកចិត្តផ្នែកនយោបាយ ធ្វើឲ្យស៊ីជម្រៅថែមទៀតនូវទំនាក់ទំនងរវាងវៀតណាម ជាមួយកម្ពុជា និងហ្វីលីពីនលើគ្រប់វិស័យ នាំទំនាក់ទំនងទ្វេភាគីឲ្យកាន់តែស៊ីជម្រៅ ជាក់ស្ដែង និងប្រកបដោយមានប្រសិទ្ធភាព  ព្រមទាំងចូលរួមយ៉ាងសកម្ម និងប្រកបដោយមានការទទួលខុសត្រូវនៅ AIPA-43 ដែលកម្ពុជាធ្វើជាម្ចាស់ផ្ទះផងដែរ៕