ប្រធានរដ្ឋសភាលោក Vuong Dinh Hue អញ្ជើញទៅទស្សនានិងធ្វើការនៅក្រុមហ៊ុន Star Telecom
(VOVWORLD) - នាព្រឹកថ្ងៃទី ៧ ខែធ្នូ ក្នុងក្របខ័ណ្ឌនៃដំណើរទស្សនកិច្ចនិងចូលរួមកិច្ចប្រជុំកំពូលនៃរដ្ឋសភានៃប្រទេសទាំងបី កម្ពុជា-ឡាវ-វៀតណាម (CLV) និងបំពេញទស្សនកិច្ចការងារនៅឡាវ ប្រធានរដ្ឋសភាវៀតណាម លោក Vuong Dinh Hue បានអញ្ជើញទៅទស្សនាក្រុមហ៊ុន Star Telecom (Unitel) នៃសម្ព័ន្ធក្រុមហ៊ុនឧស្សាហ៍កម្ម និងទូរគមនាគមន៍យោធា Viettel។
អញ្ជើញថ្លែងនៅទីនេះ ប្រធានរដ្ឋសភាលោក Vuong Dinh Hue សង្ឃឹមថា Unitel បន្តថែទាំជីវភាពរស់នៅរបស់កម្មាភិបាលនិងនិយោជិក ដើម្បីពង្រីកប្រភពធនធានមនុស្ស ធ្វើជាបុព្វបទសម្រាប់កំណើននិងការអភិវឌ្ឍប្រកបដោយចីរភាព រួមផ្សំយ៉ាងជិតស្និទ្ធ នូវសកម្មភាពអាជីវកម្មជាមួយការទូតសេដ្ឋកិច្ចនិងកិច្ចការបរទេសការពារជាតិ; ក្រៅពីភារកិច្ចអាជីវកម្មក៏មានទំនួលខុសត្រូវជាស្ពានតភ្ជាប់ទំនាក់ទំនងសហប្រតិបត្តិការរវាងរដ្ឋសភានិងរដ្ឋាភិបាលនៃប្រទេសទាំងពីរ។
 ប្រធានរដ្ឋសភា លោក Vuong Dinh Hue ថ្លែង។ រូបថត៖ Chien Thang/daibieunhandan.vn |
ប្រធានរដ្ឋសភាបានកត់សម្គាល់ថា Unitel បន្តច្នៃប្រឌិត និងវិនិយោគលើបច្ចេកវិទ្យាថ្មីដើម្បីរក្សាឋានៈ និងក្លាយជាសហគ្រាសទូរគមនាគមន៍ - សេវាឌីជីថលឈានមុខគេនៅក្នុងទីផ្សារឡាវ នាប៉ុន្មានឆ្នាំខាងមុខ។ ប្រធានរដ្ឋសភាសង្ឃឹមថា ក្រុមហ៊ុននឹងត្រួសត្រាយផ្លូវ ដើម្បីចូលរួមក្នុងការផ្លាស់ប្តូរឌីជីថលនៅប្រទេសឡាវ ដោយមានការតភ្ជាប់លើវិស័យដូចជាកសិកម្ម ថាមពល គមនាគមន៍ដឹកជញ្ជូន ទេសចរណ៍; បន្តអនុវត្តកម្មវិធីសុខុមាលភាពសង្គម ផ្សព្វផ្សាយតម្លៃវប្បធម៌ផ្ទៃក្នុងសម្រាប់សហគ្រាសនៅឡាវជាពិសេសគឺសហគ្រាសវៀតណាមនៅឡាវ។
សកម្មភាពនេះក៏បានបញ្ចប់ដំណើរទស្សនកិច្ចនិងចូលរួមកិច្ចប្រជុំកំពូលរដ្ឋសភានៃប្រទេសទាំងបី កម្ពុជា-ឡាវ-វៀតណាម លើកទី១ និងបំពេញទស្សនកិច្ចការងារនៅឡាវ របស់ប្រធានរដ្ឋសភាលោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាម មុននឹងធ្វើដំណើរទស្សនកិច្ចជាផ្លូវការនៅព្រះរាជាណាចក្រថៃ៕