ប្រធានរដ្ឋសភាវៀតណាមទៅចូលរួមមហាសន្និបាត IPU លើកទី១៣០ (VOV)

        Vovworld-នាព្រឹកថ្ងៃទី១៦មិនា គណៈប្រតិភូជាន់ខ្ពស់រដ្ឋសភាវៀតណាម​ដឹក​នាំដោយប្រធានរដ្ឋសភាលោក Nguyen Sinh Hung អញ្ចើញទៅប្រទេស​ស្វីស​ចូលរួមមហាសន្និបាតអន្តរសភាពិភពលោក (IPU) លើកទី១៣០តាមសេចក្តី​អញ្ចើញរបស់ប្រធានអន្តរសភាពិភពលោក។ ការដែលជាលើកដំបូងគណៈ​ប្រតិភូ​ជាន់ខ្ពស់រដ្ឋសភាវៀតណាមដឹកនាំដោយប្រធានរដ្ឋសភាលោក Nguyen Sinh Hung បានចូលរួមមហាសន្និបាតអន្តរសភាពិភពលោក (IPU) លើកទី១៣០ ជារបត់
សំខាន់រួមចំណែកផ្សព្វផ្សាយរូបភាពប្រទេសវៀតណាមលើឆាកអន្តរ​ជាតិ ឈាន
ទៅវៀតណាមនឹងទទួលរៀបចំ IPU លើកទី១៣២នាឆ្នាំ២០១៥។

        ក្នុងរយៈពេល៥ថ្ងៃ ដំណាងជាង៧០០នាក់មកពីប្រទេសសមាជិក​ចំនួន​១៤១​នឹងប្រមូលផ្ដុំពិភាគ្សាលើប្រធានបទជាច្រើន។ ប្រធានបទសំខាន់​របស់​មហាសន្និបាត គឺជំរុញការខំប្រឹងប្រែងសំដៅរំសាយអាវុធនុយគ្លេអ៊ែ-ជាអាទិភាព​ធំមួយក្នុងចំណោម អាទិភាពរបស់អន្តរសភាពិភពលោកសំដៅកសាងពិភព​លោកសុវត្ថិភាពជាង។

        ក្នុងក្របខ័ណ្ឌដំណើរទស្សនកិច្ចលើកនេះ ប្រធានរដ្ឋសភាវៀតណាម​លោក
Nguyen Sinh Hung នឹងទៅបំពេញទស្សនកិច្ចនៅសហព័ន្ធស្វីសនិង​សាធារណៈរដ្ឋ
អ៊ិតាលីសំដៅពង្រឹងទំនាក់ទំនងសហប្រតិបត្តិការទ្វេភាគី ពិសេស​គឺកិច្ច
សហប្រតិបត្តិការអន្តរសភា៕