ប្រធានសភាជាន់ទាបឥណ្ឌា លោក Om Birla (ខាងឆ្វេង) ជិះនាវាទេសចរណ៍ទៅទស្សនាឈូងសមុទ្រ Ha Long។ (រូបថត៖ VOV)

ទទួលស្វាគមន៍លោកប្រធានសភាជាន់ទាបឥណ្ឌា លោក Nguyen Xuan Ky លេខាគណៈកម្មាធិការបក្សខេត្ត និងជាប្រធានក្រុមប្រឹក្សាប្រជាជនខេត្ត Quang Ninh បានសម្ដែងគោលបំណងថា តាមរយៈដំណើរទស្សនកិច្ចលើកនេះ ក្នុងតួនាទីរបស់ខ្លួន លោកប្រធានសភាជាន់ទាបឥណ្ឌា នឹងក្លាយជាស្ពានតភ្ជាប់ដ៏សកម្មមួយ ដើម្បីជំរុញឲ្យ សម្ព័ន្ធក្រុមហ៊ុន និងវិនិយោគិនឥណ្ឌាកាន់តែច្រើន មកបណ្តាក់ទុន និងធ្វើអាជីវកម្មនៅ ខេត្ត Quang Ninh ជាពិសេសលើវិស័យដែលខេត្តមានប្រៀបខ្លាំងដូចជា បច្ចេកវិទ្យា ព័ត៌មាន ឱសថបច្ចេកវិទ្យាខ្ពស់ ឧស្សាហកម្មវប្បធម៌ ឧស្សាហកម្មកម្សាន្តប្រកបដោយ ភាពច្នៃប្រឌិត ; ទន្ទឹមនឹងនោះ បើកជើងហោះហើរពីឥណ្ឌាទៅខេត្ត Quang Ninh នា ពេលឆាប់ៗនេះ ដើម្បីបង្កើតលក្ខខណ្ឌអំណោយផលសម្រាប់ការទាក់ទាញទេសចរណ៍ រវាងប្រទេសទាំងពីរផងដែរ។

ប្រធានសភាជាន់ទាបឥណ្ឌា លោក Om Birla បានវាយតំលៃខ្ពស់ចំពោះកិច្ចសហ ប្រតិបត្តិការរវាងខេត្ត Quang Ninh និងស្ថានទូតឥណ្ឌាប្រចាំនៅវៀតណាមនាពេល កន្លងមក ដែលបានរួមចំណែកជំរុញទំនាក់ទំនងមិត្តភាពការទូតរវាងប្រទេសទាំងពីរ។ លោកប្រធានសភាជាន់ទាប Om Birla ក៏បានស្នើឲ្យខេត្ត Quang Ninh ពិចារណាលើ ការចងមេត្រីភាពជាមួយរដ្ឋមួយចំនួនដែលមានលក្ខណៈ ស្រដៀងគ្នារបស់ឥណ្ឌា តាម នោះជំរុញសកម្មភាពជួបប្រាស្រ័យរវាងប្រជាជន និងប្រជាជនដោយផ្សាភ្ជាប់នឹងការ អភិវឌ្ឍទេសចរណ៍៕