វិទ្យុសំឡេងនិងទូរទស្សន៍ NHK ជូនដំណឹងស្តីពីដំណើរទស្សនកិច្ចរបស់នាយករដ្ឋមន្រ្តីជប៉ុន Suga Yoshihide ទៅកាន់ប្រទេសវៀតណាម (រូបថត៖ NHK)

ទីភ្នាក់ងារព័ត៌មានដូចពោលខាងលើនេះ បានដកស្រង់សម្តីរបស់មន្រ្តីជប៉ុនមួយចំនួន ដែលបានឲ្យដឹងថាក្នុងកិច្ចពិភាក្សាទ្វេភាគី លោកនាយករដ្ឋមន្រ្តី Suga Yoshihide បានបង្កើនកិច្ចខិតខំប្រឹងប្រែងក្នុងការអនុវត្តគោលនយោបាយមហសមុទ្រឥណ្ឌា- ប៉ាស៊ីហ្វិក ដោយសេរីនិងបើកចំហ ព្រមទាំងឯកភាពជាមួយនាយករដ្ឋមន្រ្តី Nguyen Xuan Phuc អំពីការបង្កភាពងាយស្រួលក្នុងការផ្គត់ផ្គង់សម្ភារៈបរិក្ខាពេទ្យ និងមុខទំនិញមួយចំនួនទៀត រវាងប្រទេសទាំងពីរផងដែរ។ ប្រទេសជប៉ុនកំពុងធ្វើពិពិធកម្មខ្សែសង្វាក់ផ្គត់ផ្គង់របស់ខ្លួនដើម្បីកាត់បន្ថយហានិភ័យនៃជំងឺរាតត្បាត Covid-19 ព្រមទាំងកាត់បន្ថយការពឹងផ្អែកលើ   ម៉ាស់ការពារដែលនាំចូលពីប្រទេសចិន។

នាថ្ងៃដដែល នាយករដ្ឋមន្ត្រីជប៉ុនលោក Suga Yoshihide បានថ្លែងទៅកាន់និស្សិតនៃសាកលវិទ្យាល័យវៀតណាម - ជប៉ុន។ ទន្ទឹមនឹងនេះដែរនាយករដ្ឋមន្រ្តី Suga Yoshihide ក៏បានជួបពិភាក្សាជាមួយអគ្គលេខាបក្ស ប្រធានរដ្ឋ លោក Nguyen Phu Trong និងប្រធានរដ្ឋសភាវៀតណាម លោកស្រី Nguyen Thi Kim Ngan៕