បរិយាកាសពណ៌សម្បូរបែបនៅទិវាវប្បធម៌បណ្ដាជនជាតិវៀតណាម
 |
| បរិយាកាសពណ៌សម្បូរបែបនៅទិវាវប្បធម៌បណ្ដាជនជាតិវៀតណាម (TTXVN) |
(VOVworld)_ព្រឹត្តិការទិវាវប្បធម៌បណ្ដាជនជាតិវៀតណាមដោយប្រធានបទ “សូសម្លេងពីព្រៃភ្នំ”ត្រូវបានប្រារព្ធឡើងជាផ្លូវការនាយប់ថ្ងៃទី ១៩ មេសា នៅភូមិវប្បធម៌ ទេសចរណ៍បណ្ដាជនជាតិ វៀតណាម (ជាយទីក្រុងហាណូយ)។ ថ្លែងមតិនៅពិធីប្រារព្វ រដ្ឋមន្រ្តីក្រសួងវប្បធម៌ - កីឡានិងទេសចរណ៍វៀតណាមលោក Nguyen Ngoc Thien បានបញ្ជាក់អំពីសារៈសំខាន់នៃការប្រារព្ធបណ្ដាសកម្មភាពអបអរសាទរទិវាវប្បធម៌បណ្ដាជនជាតិវៀតណាម នាថ្ងៃទី ១៩ មេសានៅទូទាំងប្រទេស សំដៅអប់រំ ប្រពៃណីស្នេហាជាតិ មោទនភាពនិងការទទួលខុសត្រូវក្នុងការអភិរក្សនិងលើកកម្ពស់អត្តសញ្ញាណវប្បធម៌ ព្រមទាំងរួមចំណែកពង្រឹងនិងពង្រីកកម្លាំងមហាសាមគ្គីនៃជនជាតិទាំងមូល។ ចូលរួមក្នុងទិវាវប្បធម៌បណ្ដាជនជាតិវៀតណាម លោក Huynh Huu Thai បានចែករំលែកថា៖
"ប្រទេសយើងមានជនរួមជាតិជាជនជាតិភាគតិចយ៉ាងច្រើន ដូច្នេះការរក្សា ការពង្រីក និងការតភ្ជាប់ទំនាក់ទំនងរវាងបណ្ដាជនជាតិគប្បីបានជំរុញ។ ខ្ញុំពិតជាសប្បាយចិត្តណាស់ដែលបក្សរដ្ឋបានប្រារព្ធទិវាវប្បធម៌បណ្ដាជនជាតិដើម្បីជួបជុំគ្នារវាងបណ្ដាជនជាតិ សំដៅផ្សព្វផ្សាយរូបភាពគ្រប់ ជនជាតិនៅប្រទេសវៀតណាម ។ ខ្ញុំមានបំណាងថា សកម្មភាពទាំងនេះនឹងត្រូវបានបន្តប្រារព្ធឡើងជារៀងរាល់ឆ្នាំ”។
ក្នុងរយៈពេលចាប់ពីថ្ងៃទី ១៩ដល់ ២៣ មេសា សកម្មភាពជាច្រើនដើម្បីអបអរសាទរទិវាវប្បធម៌បណ្ដាជនជាតិវៀតណាមត្រូវបានរៀបចំដូចជា៖ ការតាំងបង្ហាញ ការតាំងពិព័រណ៌ និងការសម្ដែង "ឫស្សីក្នុងជីវភាពតូរតន្ត្រីវៀតណាម " កម្មវិធីតូរតន្ត្រីជនជាតិជាដើម ។បណ្ដាសកម្មភាពនេះបានរួមចំណែកបង្កើតបរិយាកាសពណ៌សម្បូរបែបរបស់សហគមន៍បណ្ដាជនជាតិវៀតណាម ៕