ក្រុមនិស្សិតវៀតណាមស្វែងយល់អំពីរបាំងមុខដែលបានប្រើប្រាស់ក្នុងរឿងល្ខោនប្រពៃណីខ្មែរ (រូបថត៖ VOV)

  នារសៀលថ្ងៃទី១៩ ខែវិច្ឆិកា បន្តព្រឹត្តិការណ៍សប្ដាហ៍វប្បធម៌កម្ពុជាឆ្នាំ ២០១៩ ក្រសួងវប្បធម៌កីឡានិងទេសចរណ៍វៀតណាមបានសហការជាមួយ ក្រសួងវប្បធម៌និងវិចិត្រសិល្បៈកម្ពុជាប្រារព្ធធ្វើឡើងពិព័រណ៍ដោយប្រធានបទ “កម្ពុជា៖ព្រះរាជាណាចក្រវប្បធម៌” នៅសារមន្ទីរទីក្រុង Can Tho។

        ពិព័រណ៍បានតាំងបង្ហាញរូបថតសិល្បៈប្រមាណ៥០ផ្ទាំងដែលឧទ្ទេសនាមពី វប្បធម៌ដ៏សម្បូរបែបនៃប្រទេសកម្ពុជា តាមរយៈបេតិកភ័ណ្ឌវប្បធម៌រូបីយ៍ អរូបីយ៍ ក៏ដូចជាទេសភាពធម្មជាតិយ៉ាងស្រស់ត្រកាលនិងភាពកក់ក្ដៅរបស់ប្រជាជន កម្ពុជាផងដែរ។ លោក Le Ngoc Dinh អនុប្រធាននាយកដ្ឋានសហប្រតិបតិ្តការ អន្តរជាតិ នៃក្រសួងវប្បធម៌កីឡានិងទេសចរណ៍បានអោយដឹងថាពិព័រណ៍នេះគឺ ជាឱកាសដើម្បីអោយប្រជាជនវៀតណាមយល់ដឹងថែមទៀតពីទឹកដីនិងមនុស្ស កម្ពុជា។ លោកបានថ្លែងថា៖

        “ដោយឈរលើមូលដ្ឋានគ្រឹះនៃទំនាក់ទំនងសាមគ្គីភាព កិច្ចសហប្រតិបតិ្តការ មិត្ត ភាព ជាប្រពៃណីដ៏ល្អប្រសើរតាំងពីយូរលង់ណាស់មកហើយរវាងវៀតណាមនិង កម្ពុជានោះ គឺកិច្ចសហប្រតិបតិ្តការ ការជួបប្រាស្រ័យខាងវប្បធម៌បានដើរតួនាទីកាន់ តែសំខាន់ពីមួយថ្ងៃទៅមួយថ្ងៃក្នុងការជំរុញទំនាក់ទំនងសហប្រតិបតិ្តការរវាង ប្រទេសទាំងពីរអោយបោះជំហានទៅមុខ។ បណ្ដាកម្មវិធីវប្បធម៌សិល្បៈរវាងវៀតណាម និងកម្ពុជា រួមទាំងសប្ដាហ៍វប្បធម៌យ៉ាងដូច្នេះបានក្លាយទៅជាសកម្មភាពប្រពៃណី រវាងប្រទេសទាំងពីរ ដែលធ្វើអោយស៊ីជំរៅថែមទៀតនូវការយល់ដឹងគ្នានិងរឹត បន្តឹងមនោសញ្ចេតនារវាងប្រជាជននៃប្រទេសទាំងពីរផងដែរ”។

ភ្ញៀវទេសចរបរទេសមកទស្សនាពិព័រណ៍ (រូបថត៖ VOV)

        ពិព័រណ៍នេះក៏បានតាំងបង្ហាញវត្ថុសិប្បកម្មវិចិត្រសិល្បៈដ៏វិសេសវិសាល មួយចំនួនដូចជា៖ សំពត់ហូលផាមួង ក្រមា សំលៀកបំពាក់ប្រពៃណី ខ្មុក ចម្លាក់ស្បែក ចម្លាក់ ឈើ ចម្លាក់សំរិទ្ធនិងសូត្រខ្មែរ។ល៕