បាល់ទាត់នារីពិភពលោក ឆ្នាំ ២០២៣៖ ក្រុមនារីវៀតណាមទទួលបានរបបពិសេសពី FIFA
(VOVWORLD) - នៅសល់មិនដល់មួយសប្តាហ៍ទៀតនោះទេ ការប្រកួតវគ្គចុងក្រោយនៃការប្រកួតបាល់ទាត់នារីពិភពលោក ២០២៣ - World Cup នារី ២០២៣ នឹងចាប់ផ្តើមជាផ្លូវការនៅប្រទេសនូវែលសេឡង់ និងអូស្ត្រាលី។ នេះនឹងក្លាយជាការប្រកួតបាល់ទាត់ពិភពលោកដ៏ពិសេសមួយសម្រាប់ក្រុមនារី និងអ្នកគាំទ្រវៀតណាម។
 ក្រុមនារីវៀតណាមបានធ្វើការហ្វឹកហាត់នាព្រឹកថ្ងៃទី១៥ កក្កដា នៅប្រទេសនូវែលសេឡង់ (រូបថត៖ VFF) |
ចាប់ពីថ្ងៃទី ១៧ កក្កដា កូនក្រុមរបស់គ្រូបង្វឹក Mai Duc Chung នឹងទទួលបានរបបថែទាំពិសេសរបស់សហព័ន្ធបាល់ទាត់ពិភពលោក (FIFA) ជាផ្លូវការ សម្រាប់ក្រុមដែលចូលរួមការប្រកួតបាល់ទាត់នារីពិភពលោក ឆ្នាំ ២០២៣។ មុននោះ ចាប់ពីថ្ងៃទី ១៣ ខែកក្កដា FIFA ក៏បានផ្តល់ឧបករណ៍ជំនួយការហ្វឹកហាត់ រួមមានធុងទឹកកក ដបទឹក ថង់ទុកឧបករណ៍ហ្វឹកហាត់ បាល់ប្រកួត តែមប្រកួតលើសំលៀកបំពាក់ប្រកួតរបស់កីឡាការិនី។
ទាំងនេះនឹងជាការលើកទឹកចិត្តធំមួយដើម្បីជួយក្រុមទាំងមូលឱ្យខិតខំដើម្បីសម្រេចបានលទ្ធផលល្អបំផុតក្នុងការប្រកួត World Cup ជាលើកដំបូងក្នុងប្រវត្តិសាស្ត្រ។ នាថ្ងៃទី ២២ ខែកក្កដា ក្រុមនារីវៀតណាមបានប្រកួតដំបូងជាមួយក្រុមនារីអាមេរិក ដែលជាម្ចាស់ជើងឯកពិភពលោក៕