កន្លែងកើតហេតុនៃករណីបាក់ស្ពានយោលនៅឥណ្ឌាដែលបណ្ដាលឲ្យមនុស្សរាប់រយនាក់ធ្លាក់ចុះទន្លេកាលពីយប់ថ្ងៃទី៣០ ខែតុលា។ (រូបថត៖ Reuters)

ប៉ូលីសរដ្ឋ Gujarat បានបញ្ជាក់ថា ការចាប់ខ្លួននេះបានធ្វើឡើងក្នុងក្របខ័ណ្ឌនៃការស៊ើបអង្កេត ព្រហ្មទណ្ឌលើអ្នកដែលទទួលបន្ទុកការជួសជុល ថែរក្សា និងគ្រប់គ្រងស្ពាន។ មនុស្សទាំងអស់នេះជាប់ពាក់ព័ន្ធនឹងក្រុមហ៊ុន Oreva ដែលជាក្រុមហ៊ុនទទួលបន្ទុកការគ្រប់គ្រងស្ពាន ហើយកំពុងត្រូវបានស៊ើបអង្កេតពីបទឃាតកម្មដោយឥតចេតនា។ ក្រុមហ៊ុន Oreva បានទទួលបន្ទុកការគ្រប់គ្រងស្ពានយោលនេះក្នុងអំឡុងពេល ១៥ ឆ្នាំមកហើយ។ មនុស្សរាប់រយនាក់បានទិញសំបុត្រឡើងស្ពាន ដើម្បីអបអរពិធី បុណ្យ Diwali និង Chhath Puja។ សមាជិកសភាក្នុងស្រុកម្នាក់បានរិះគន់ការលក់ សំបុត្រគ្មានដែនកំណត់របស់ Oreva ដោយចាត់ទុកថាការប្រមូលផ្ដុំមនុស្សច្រើនពេក លើស្ពានបាននាំទៅសោកនាដកម្មនេះ៕