មេដឹកនាំបារាំងនិងអាឡឺម៉ង់បានពិភាក្សាគ្នានៅឯកិច្ចប្រជុំកំពូលសហភាពអឺរ៉ុបនៅថ្ងៃទី ២០ ខែកក្កដា។ (ប្រភព៖ Reuters)

ក្នុងនោះទឹកប្រាក់ចំនួន ៣៩០ ពាន់លានអឺរ៉ូនឹងត្រូវជួយឧបត្ថម្ភធនដល់បណ្តាប្រទេសជាសមាជិកសហភាពអឺរ៉ុប ហើយការសងបំណុលនឹងត្រូវបង់ដោយប្រទេសទាំង ២៧ នៃសហភាពអឺរ៉ុបផងដែរ។

នៅថ្ងៃដដែលនោះ ប្រធានាធិបតីបារាំង លោក Emmanuel Macron បានកោតសរសើរចំពោះកិច្ចព្រមព្រៀងស្តារសេដ្ឋកិច្ចឡើងវិញ ដែលអឺរ៉ុបទើបតែសម្រេចបាន ហើយលោកក៏ចាត់ទុកថានេះគឺជាការសម្រេចចិត្តដ៏សំខាន់បំផុតសម្រាប់អឺរ៉ុបចាប់តាំងពីប្រាក់អឺរ៉ូបានកើតមកម្ល៉េះ។  លោក Macron បានបន្ថែមទៀតថាអត្ថប្រយោជន៍ដ៏អស្ចារ្យនៃកញ្ចប់ថវិការស្តារសេដ្ឋកិច្ចឡើងវិញចំនួន ៧៥០ ពាន់លានអ៊ឺរ៉ូគឺប្រទេសនានានឹងទទួលបានប្រភពហិរញ្ញវត្ថុដ៏ធំសម្បើមមួយពីអឺរ៉ុបដោយមិនបង្កើន «បន្ទុកហិរញ្ញវត្ថុ» ទៅលើអ្នកជាប់ពន្ធនៅក្នុងប្រទេសនីមួយៗ ឡើយ។

យោងតាមក្រុមអ្នកវិភាគនៅអឺរ៉ុប ប្រទេសសមាជិកទាំង ២៧ នៃសហភាពអឺរ៉ុបបានសម្រេចបានកិច្ចព្រមព្រៀងស្តីពីកញ្ចប់ថវិកាសេដ្ឋកិច្ចឡើងវិញចំនួន ៧៥០ ពាន់លានអ៊ឺរ៉ូគឺជាព្រឹត្តិការណ៍សំខាន់បំផុតមួយក្នុងប្រវត្តិសាស្ត្រនៃការកសាងសហភាពអឺរ៉ុប ពីព្រោះការសងបំណុលរួមនឹងផ្សារភ្ជាប់បណ្តាប្រទេសសមាជិកសហភាពអឺរ៉ុបយ៉ាងហោចណាស់ក្នុងរយៈពេល ៣០ ឆ្នាំផងដែរ៕