ផ្លែគូលេនវៀតណាមចំនួន ២ តោន ត្រូវបានលក់អស់ក្នុងរយៈពេលត្រឹមតែ ១ ថ្ងៃនៅប្រទេសជប៉ុន
(VOVWORLD) - យោងតាមនាយកដ្ឋានការពាររុក្ខជាតិ (MARD) បានឱ្យដឹងថា ផ្លែគូលេនចំនួន ២ តោនដំបូងរបស់វៀតណាមដែលនាំចេញទៅប្រទេសជប៉ុនកាលពីថ្ងៃទី ២០ ខែមិថុនា ត្រូវបានលក់អស់ក្នុងរយៈពេលត្រឹមតែ ១ ថ្ងៃប៉ុណ្ណោះ។
 ផ្លែគូលេនត្រូវបាននាំចេញទៅប្រទេសនិងទឹកដីជាច្រើននៅលើពិភពលោក។ (រូបថត៖ baobacgiang) |
នាបច្ចុប្បន្នផ្សារទំនើបជប៉ុនគ្រាន់តែរក្សាទុកបរមាណផ្លែគូលេនតិចតូច ដើម្បីរៀបចំព្រឹត្តិការណ៍ ប៉ុណ្ណោះ ខណៈពេលដែលប្រព័ន្ធលក់រាយបានអស់ពីស្តុកហើយ។ អតិថិជននៅប្រទេសជប៉ុនបានវាយតម្លៃដ៏ល្អចំពោះផលិតផលកសិកម្មថ្មីនេះ។
តំណាងសហគ្រាសនាំចេញផ្លែគូលេនបានឱ្យដឹងថាតម្លៃលក់ដុំសម្រាប់ផ្សារទំនើបនៅជប៉ុនមានតម្លៃចាប់ពី ៨-១២ ដុល្លារអាមេរិក / គីឡូក្រាម (ស្មើនឹងជាង ១៨០,០០០ - ២៧០,០០០ ដុង/គីឡូក្រាម)។ តម្លៃប្រមូលទិញគូលេនគឺ ៣៨.០០០ ដុង / គីឡូក្រាម។
គួរបញ្ជាក់ថានាថ្ងៃទី ១៩ ខែមិថុនា ផ្លែគូលេនវៀតណាមចំនួន ២ តោនដំបូងបង្អស់ត្រូវបាននាំចេញទៅកាន់ប្រទេសជប៉ុនតាមផ្លូវអាកាស៕