ពួកភេរវករបណ្តាលឲ្យមានការស្លាប់ ពលរដ្ឋវៀតណាម ពីរនាក់ត្រូវផ្តន្ទាទោសយ៉ាងម៉ឹងម៉ាត់

ចំពោះករណីពលរដ្ឋវៀតណាមពីរនាក់ត្រូវក្រុមភេរវករ Abu Sayyaf សម្លាប់នៅហ្វីលីពីនកាលពីថ្ងៃទី ៦ កក្ដដានោះ នាយករដ្ឋមន្ត្រីវៀតណាមលោក Nguyen Xuan Phuc បានថ្លែងមតិថា៖ ខ្ញុំសោកស្តាយនិងខឹងសម្បាយ៉ាងខ្លាំងនៅពេលដែលដឹងព័ត៌មានថាពលរដ្ឋវៀតណាមពីរនាក់ត្រូវពួកភេរវករចាប់ពង្រត់និងសម្លាប់យ៉ាងព្រៃផ្សៃ អមនុស្សធម៌។ ពួកភេរវករបណ្តាលឲ្យមានការស្លាប់ ពលរដ្ឋវៀតណាមនោះត្រូវផ្តន្ទាទោសយ៉ាងដាច់ខាត។ ខ្ញុំសូមចែករំលែកទុក្ខជាមួយក្រុមគ្រួសារ សាច់ញាតិរបស់ជនជនរងគ្រោះ។ សហគមន៍អន្តរជាតិសូមរួមគ្នាសាមគ្គីភាព រួមដៃគ្នាប្រឆាំងលទ្ធិភេរវកម្ម ដើម្បីសេចក្ដីសុខរបស់មនុស្សជាតិ ដើម្បីពិភពលោកមួយ សន្តិភាព ស្ថិរភាព អភិវឌ្ឍន៍ និងសម្បូររុងរឿង៕