រូបថត៖ qdnd.vn

យោងតាមទិន្នន័យដែលផ្នែកគយវៀតណាមបានប្រកាសនៅក្នុងវេទិកានោះ សកម្មភាពផ្លាស់ប្តូរពាណិជ្ជកម្មរវាងវៀតណាមនិងតួកមេនីស្ថាន ក្នុងឆ្នាំ២០២១សម្រេចបាន ០,៥៦ លានដុល្លារអាមេរិក។ យោងតាមលោក Bui Trung Nghia អនុប្រធាន VCCI បានចាត់ទុកថា តួរលេខនេះមិនទាន់សមស្របទៅនឹងសក្តានុពលនៃកិច្ចសហប្រតិបត្តិការរវាងប្រទេសទាំងពីរក្នុងវិស័យពាណិជ្ជកម្មនោះឡើយ។ “ប្រទេសតួកមេនីស្ថានគឺជាប្រទេសសម្បូរទៅដោយឧស្ម័នធម្មជាតិ ដែលមានប្រៀបខ្លាំងខាង ដាំដុះដំណាំកប្បាសធម្មជាតិ និងផលិតកំរាលព្រំគ្រប់ប្រភេទ។ ខណៈដែលវៀតណាមមានផលិតផលឧស្សាហកម្មជាច្រើនដូចជាទូរស័ព្ទ កុំព្យូទ័រ គ្រឿងបន្លាស់ គ្រឿងម៉ាស៊ីន ឧបករណ៍ និងសំភារៈនៃផលិតផលប្រើប្រាស់ តម្បាញកាត់ដេរ ស្បែកជើង គ្រឿងឈើ ក៏ដូចជាផលិតផលកសិកម្មនាំចេញជាដើម។ បច្ចុប្បន្ន ផលិតផលនាំចេញរបស់វៀតណាមអាចឆ្លើយតបបានតាមតម្រូវការនាំចូលរបស់តួកមេនីស្ថានហើយ។”

រីឯភាគីតួកមេនីស្ថាន លោក Vepa Hajiyev អនុរដ្ឋមន្ត្រីការបរទេសបានស្នើឲ្យភាគីទាំងពីរ បង្កើតទម្រង់សហប្រតិបតិ្តការពហុវិស័យ និងពហុកម្រិតដូចជាផលិតទំនិញឧស្សាហកម្ម កសិកម្ម សេវាកម្ម និងវិស័យផ្សេងៗទៀត៕