ប្រតិភូជាង៨០០ នាក់ ដែលជាថ្នាក់ដឹកនាំសហ គ្រាស មន្ត្រីជាន់ខ្ពស់រដ្ឋាភិបាល អ្នកការទូតមកពីក្រុមហ៊ុននិងអង្គការជាង ៤២០ នៃ ប្រទេសចំនួន ៣២ បានចូលរួមក្នុងវេទិកានេះ។         

ឧបនាយករដ្ឋមន្ត្រីវៀតណាម លោក Le Minh Khai ថ្លែងនៅវេទិកា SRBF។ (រូបថត៖ TTXVN)

អញ្ជើញថ្លែងមតិនៅព្រឹត្តិការណ៍នេះ ឧបនាយករដ្ឋមន្ត្រី វៀតណាម លោក Le Minh Khai បានសង្កត់ធ្ងន់ថា នេះគឺជាវេទិកាដ៏មានអត្ថន័យសំខាន់ នៅពេលដែលត្រូវ បានប្រារព្ធឡើងជាលើកដំបូងនៅប្រទេសផ្សេងក្រៅសិង្ហបុរី។ ជាពិសេស ព្រឹត្តិការណ៍ នេះបានប្រព្រឹត្តទៅក្នុងឱកាសរំលឹកខួបលើកទី ៥០ នៃការបង្កើតទំនាក់ទំនងការទូត រវាងប្រទេសទាំងពីរ (១៩៧៣ - ២០២៣) និងខួបលើកទី១០ នៃការបង្កើតទំនាក់ទំនង ដៃគូយុទ្ធសាស្ត្រវៀតណាម - សិង្ហបុរី (២០១៣ - ២០២៣)។ ឧបនាយករដ្ឋមន្ត្រី លោក  Le Minh Khai បានលើកច្បាស់ថា៖ វៀតណាមមានបំណងចង់ឱ្យសិង្ហបុរី ក្នុងតួនាទីជា មជ្ឈមណ្ឌលហិរញ្ញវត្ថុឈានមុខគេក្នុងតំបន់ និងជាទីស្នាក់ការកណ្តាលនៃសម្ព័ន្ធ ក្រុមហ៊ុនឆ្លងដែន និងមូលនិធិវិនិយោគឈានមុខគេលើពិភពលោក នឹងបន្តជួយវៀត ណាមក្នុងការទទួលបានលំហូរទុនវិនិយោគ ប្រភពហិរញ្ញវត្ថុបៃតង និងនិរន្តរភាព។

ឧបនាយករដ្ឋមន្ត្រី លោក Le Minh Khai បានសង្កត់ធ្ងន់ថា ឈានចូលទស្សវត្សរ៍ ទី៦នៃទំនាក់ទំនងទ្វេភាគី វៀតណាម និងសិង្ហបុរីនៅតែមានសក្ដានុពលជាច្រើន សម្រាប់កិច្ចសហប្រតិបត្តិការដែលចាំបាច់ត្រូវជំរុញបន្ថែមទៀត។ វៀតណាមជានិច្ច កាលកំណត់ថា កិច្ចសហប្រតិបត្តិការសេដ្ឋកិច្ច-វិនិយោគ-ពាណិជ្ជកម្ម មានទីតាំងសំ ខាន់ក្នុងទំនាក់ទំនងដៃគូយុទ្ធសាស្ត្ររវាង
វៀតណាម-សិង្ហបុរី។ ដូច្នេះ រដ្ឋាភិបាលវៀត ណាមជានិច្ចកាលរួមដំណើរ និងបង្កើតលក្ខខណ្ឌ ទាំងអស់សម្រាប់វិនិយោគិននិយាយ រួម និងវិនិយោគិនសិង្ហបុរីនិយាយដោយឡែក ដើម្បីមានបរិយាកាសវិនិយោគដ៏ អំណោយផលនៅវៀតណាម។

ក្នុងឱកាសនេះ ភាគីនានាបានចុះហត្ថលេខាលើអនុស្សារណៈយោគយល់គ្នា ចំនួន ១២ ស្តីពីនិរន្តរភាព ឌីជីថលភាវូបនីយកម្ម សេវាកម្មហិរញ្ញវត្ថុ និងការអភិវឌ្ឍ ធនធានមនុស្ស ដើម្បីជំរុញកាលានុវត្តភាពសហប្រតិបត្តិការរវាងសិង្ហបុរីនិងវៀតណាម ក៏ដូចជាក្នុងតំបន់ផងដែរ៕