ប្រធានរដ្ឋសភា លោក Vuong Dinh Hue អញ្ជើញថតរូបជាមួយប្រធានគណៈប្រតិភូដែលចូលរួម AIPA – ៤៤ (រូបថត៖ VOV)

ថ្លែងនៅក្នុងពិធីបើក ប្រធានក្រុមប្រឹក្សាតំណាងប្រជាជនឥណ្ឌូនេស៊ី (DPR សភាជាន់ទាប) លោកស្រី Puan Maharani បានអះអាងថា AIPA-៤៤ គឺជាឱកាសសម្រាប់សភានៃបណ្តាប្រទេសអាស៊ីអាគ្នេយ៍ក្នុងការពង្រឹងការប្តេជ្ញាចិត្ត ក្នុងការឆ្លើយតបជាមួយនឹងបញ្ហាប្រឈមសកល និងក្នុងតំបន់។ ដោយសង្កត់ធ្ងន់ថា ស្ថិរភាពគឺជាលក្ខខ័ណ្ឌចម្បង សម្រាប់ការអភិវឌ្ឍ និងកំណើនសេដ្ឋកិច្ចនៅអាស៊ីអាគ្នេយ៍ ដែលរួមចំណែកដល់ស្ថិរភាព និងកំណើនសេដ្ឋកិច្ចពិភពលោក លោកស្រី Puan Maharani បានសន្យាថា AIPA នឹងបន្តជំរុញការប្តេជ្ញាចិត្តចាំបាច់នានា ដើម្បីរក្សា និងធានាឱ្យបាននូវសន្តិភាព ស្ថិរភាព និងវិបុលភាពនៃអាស៊ីអាគ្នេយ៍។

ប្រធានក្រុមប្រឹក្សាប្រជាជនឥណ្ឌូនេស៊ី (សភាជាន់ទាប) លោកស្រី  Puan Maharani ប្រធាន AIPA-៤៤ (រូបថត៖ VOV)

ប្រព្រឹត្តទៅរហូតដល់ថ្ងៃទី ១១ ខែសីហា AIPA-៤៤ នឹងពិភាក្សាអំពីបញ្ហាសំខាន់ៗជាច្រើន រួមទាំងតម្រូវការកាត់បន្ថយភាពតានតឹងភូមិសាស្ត្រនយោបាយ ដោយសារការប្រកួតប្រជែងរវាងមហាអំណាចធំៗនៅអាស៊ីអាគ្នេយ៍; ស្ថានភាពមីយ៉ាន់ម៉ា; កិច្ចខិតខំប្រឹងប្រែងដើម្បីកសាងសេដ្ឋកិច្ចបៃតង ថាមពលកកើតឡើងវិញនៅអាស៊ីអាគ្នេយ៍; ជំរុញការចូលរួមយ៉ាងខ្លាំងក្លារបស់យុវជនក្នុងវេទិកានយោបាយ រួមទាំងសភាផងដែរ។ AIPA-៤៤ ក៏ជាវេទិកាសម្រាប់សមាជិកសភាអាស៊ានចែករំលែក បទពិសោធន៍ និងទស្សនៈក្នុងគោលបំណងកសាងអនាគតដ៏ល្អប្រសើរសម្រាប់តំបន់អាស៊ីអាគ្នេយ៍៕