ពិធីមិទ្ទីញជួយជ្រោមជ្រែងខែសកម្មភាពជាតិបង្ការប្រឆាំងមេរោគហ៊ីវ/ជំងឺអេដស៍ និងទិវា ពិភពលោកបង្ការប្រឆាំងជំងឺអេដស៍។ (រូបថត៖ baophapluat.vn)

ក្នុងរយៈពេល ២ ឆ្នាំចុងក្រោយនេះ ចំនួនអ្នកឆ្លងមេរោគហ៊ីវថ្មី បានកើនឡើង ដោយមានចំនួនជាង ១៣ ពាន់ករណីជារៀងរាល់ឆ្នាំ ដែលភាគច្រើនគឺមនុស្សវ័យ ក្មេង។ ដូច្នេះហើយ ប្រធានបទនៃពិធីមិទ្ទីញ ដែលត្រូវបានក្រសួងសុខាភិបាលវៀត ណាម រៀបចំឡើងនៅព្រឹកថ្ងៃទី២៦ ខែវិច្ឆិកា នៅខេត្ត Bac Ninh ដើម្បីជួយជ្រោមជ្រែង ខែសកម្មភាពជាតិបង្ការប្រឆាំងមេរោគហ៊ីវ /ជំងឺអេដស៍ និងទិវាពិភពលោកបង្ការ ប្រឆាំងជំងឺអេដស៍ (ថ្ងៃទី ១ ខែធ្នូ) ក្នុងឆ្នាំនេះគឺ “កំចាត់ជំងឺអេដស៍ – យុវជនត្រៀមខ្លួនជាស្រេច”។

នាបច្ចុប្បន្ន និន្នាការនៃការឆ្លងមេរោគហ៊ីវ កំពុងផ្លាស់ប្តូរពីការឆ្លងមេរោគតាមផ្លូវឈាមទៅជាការឆ្លងតាមផ្លូវភេទ។ ចំនួនមនុស្សដែលត្រូវបានរកឃើញមានផ្ទុក មេរោគហ៊ីវ ភាគច្រើនគឺមនុស្សវ័យក្មេង ហើយមាននិន្នាការកើនឡើងយ៉ាងឆាប់រហ័ស ក្នុងប៉ុន្មានឆ្នាំថ្មីៗនេះ។ មានរហូតដល់ ៥០% នៃការឆ្លងមេរោគហ៊ីវ ត្រូវបានរកឃើញ នៅក្រុមមនុស្សដែលមានអាយុក្រោម ២៩ ឆ្នាំ។ ដូច្នេះហើយ មិនអាចកំចាត់ជំងឺអេដស៍ បានទេ បើគ្មានការចូលរួមពីយុវជន។ លោកស្រី Dao Hong Lan រដ្ឋមន្ត្រីក្រសួងសុខា ភិបាលវៀតណាមបានសង្កត់ធ្ងន់ថា៖

“យុទ្ធសាស្ត្រជាតិអំពីការកំចាត់ជំងឺអេដស៍នៅឆ្នាំ ២០៣០ បានដាក់ចេញ គោលដៅ ៩៥-៩៥-៩៥ នោះគឺ៖ ៩៥% នៃចំនួនមនុស្សដែលផ្ទុកមេរោគហ៊ីវ បានដឹងពី ស្ថានភាពជំងឺរបស់ពួកគេ; ៩៥% នៃចំនួនមនុស្សដែលត្រូវបានធ្វើរោគវិនិច្ឆ័យថា មាន ផ្ទុកមេរោគហ៊ីវ ទទួលការព្យាបាលដោយថ្នាំ ARV; ហើយ ៩៥% នៃចំនួនមនុស្សដែល ទទួលបានការព្យាបាលដោយថ្នាំ ARV សម្រេចបាននូវការផ្ទុកមេរោគនៅកម្រិត សមរម្យ។ កម្មវិធីបង្ការប្រឆាំងមេរោគហ៊ីវ និងជំងឺអេដស៍នៅវៀតណាមនៅតែមាន ការងារជាច្រើនដែលត្រូវធ្វើ ជាពិសេសដើម្បីសម្រេចបាននូវគោលដៅកំចាត់ជំងឺ អេដស៍នៅឆ្នាំ ២០៣០។ ជំងឺហ៊ីវ/អេដស៍អាចផ្ទុះឡើងវិញ ប្រសិនបើយើងមិនមានវិការ យកចិត្តទុកដាក់ វិនិយោគឱ្យបានសមហេតុផលដល់ការងារបង្ការប្រឆាំងមេរោគហ៊ីវ/ ជំងឺអេដស៍”៕