ទិដ្ឋភាពនៃពិធីប្រគល់ពានរង្វាន់ (រូបថត៖ VOV)

នាព្រឹកថ្ងៃទី៦ មិនា នៅទីក្រុងហាណូយ បានប្រព្រឹត្តទៅពិធីប្រគល់ពានរង្វាន់ Kovalevskaia ឆ្នាំ២០១៧ និងជំនួបប្រាស្រ័យរវាងក្រុម អ្នកវិទ្យាសាស្ត្រស្រីជាមួយបណ្ដានិស្សិតស្រី។ ពានរង្វាន់ Kovalevskaia ឆ្នាំ២០១៧ ត្រូវបានប្រគល់ជូនអ្នកវិទ្យាសាស្ត្រស្រីចំនួន២រូប រួមមានសាស្ត្រាចារ្យរង បណ្ឌិត វេជ្ជបណ្ឌិត Tran Van Khanh នាយិការងមជ្ឈមណ្ឌលស្រាវជ្រាវ Gene – Protein មហាវិទ្យាល័យវេជ្ជសាស្ត្រហាណូយ និងសាស្ត្រាចារ្យរងបណ្ឌិត Dinh Thi Bich Lan គ្រូបង្រៀនជាន់ខ្ពស់នៃវិទ្យាស្ថានជីវបច្ចេកវិទ្យា មហាវិទ្យាល័យ Hue។ ពានរង្វាន់នេះគឺសំដៅលើកតម្កើងស្ត្រីនានា ដែលមានស្នាដៃល្អ មានការផ្ដើមគំនិតច្នៃប្រឌិត និងមានឥទ្ធិពលវិជ្ជមានចំពោះសហគមន៍។ សាស្ត្រាចារ្យរងបណ្ឌិត Dinh Thi Bich Lan បានចែករំលែកនៅពេលទទួលបានពានរង្វាន់ឆ្នាំនេះយ៉ាងដូច្នេះថា៖

        “ទន្ទឹមនឹងកិត្តិយសនិងមោទនភាព នាងខ្ញុំត្រូវបានផ្ដល់បន្ថែមកម្លាំងនិងកិច្ចខិតខំប្រឹងប្រែង ដើម្បីបន្តអនុវត្តន៍ការងារស្រាវជ្រាវ បញ្ជូនការជក់ចិត្តយ៉ាងក្រៃពេកទៅឲ្យជំនាន់វ័យក្មេង ដើម្បីប្រទេសជាតិមានគំរូឆ្នើមកាន់តែច្រើន”៕