ពិពណ៌ដម្លើងនាវា Vietship ២០១៨ ទាក់ទាញការចូលរួមរបស់សហគ្រាសជាច្រើនកុះករ

(VOVworld) – ពិពណ៌អន្តរជាតិលើកទី ៩ ស្តីអំពីបច្ចេកវិទ្យាដម្លើងនាវានាវាចរណ៍និង សំណង់នាវាចរណ៍ Vietship ឆ្នាំ ២០១៨ នឹងប្រព្រឹត្តទៅចាប់ពីថ្ងៃទី ២៤ ដល់ទី ២៦ មករា នៅ ទីក្រុងហាណូយ។ នេះគឺជាការតាំងពិពណ៌អំពីវិស័យដម្លើងនាវានាវាចណ៍និងសំណង់នាវា ចរណ៍ទ្រង់ទ្រាយធំបំផុតនៅវៀតណាម។ មានក្រុមហ៊ុនចំនួន ៩៧ មកពីប្រទេសចំនួន ១៣ លើពិភពលោក ក្នុងនោះ មានក្រុមហ៊ុនវៀតណាមចំនួន ៥៩ និងក្រុមហ៊ុនបរទេសចំនួន ៣៨ ដោយមានស្តង់បង្ហាញចំនួន ១៦៣ ស្តង់ ចូលរួមព្រឹត្តិការណ៍នេះ។ ក្នុងក្របខ័ណ្ឌពិពណ៌ លើកនេះ ពិធីប្រគល់រង្វាន់ផលិតផលបច្ចេកវិទ្យានិងសេវាកម្មចូលរួមការតាំងពិពណ៌ វេទិកា អតិថិជន សិក្ខាសាលាជំនាញ ក៏នឹងត្រូវបានរៀបចំឡើង ផងដែរ៕