ការនាំចេញមុខទំនិញវាយនភណ្ឌនិងស្បែកជើង មានការស្ដារឡើងវិញគួរឲ្យកត់សម្គាល់។ (រូបថត៖ VOV)

យោងតាមទិន្នន័យពីក្រសួងឧស្សាហកម្មនិងពាណិជ្ជកម្មវៀតណាមបានបង្ហាញថា ក្នុងឆមាសទី១ ឆ្នាំ២០២១ ការនាំចេញមុខទំនិញវាយនភណ្ឌនិងស្បែកជើង មានការ ស្ដារឡើងវិញគួរឲ្យកត់សម្គាល់។ ជាក់ស្ដែងគឺ មុខទំនិញវាយនភណ្ឌនិងតម្បាញ កាត់ដេរ សម្រេចបានកំណើនចំនួនជាង១៥ពាន់លាន ដុល្លាអាមេរិក កើនជិត១៥%; ទំនិញស្បែកជើងសម្រេចបានកំណើនជាង១០ពាន់លានដុល្លាអាមេរិក កើនជិត ២៨%។ លោក Tran Thanh Hai អនុប្រធាននាយកដ្ឋាននាំចេញ-នាំចូល ចំណុះ ក្រសួងឧស្សាហកម្មនិងពាណិជ្ជកម្ម បានបកស្រាយថា ការចុះហត្ថលេខាលើការបញ្ជា ទិញជាច្រើនបានជួយអង្គភាពអាជីវកម្មជំនះលើការលំបាកដោយជម្ងឺរាតត្បាតកូវីដ ១៩។

ក្នុងពេលជាមួយគ្នានោះ តាមសមាគមន៍បន្លែ ផ្លែឈើវៀតណាមបានឲ្យដឹងថា ក្នុងខែមិថុនាឆ្នាំ២០២១ ការនាំចេញបន្លែនិងផ្លែឈើ សម្រេចបានតម្លៃជាង៣៥៦លាន ដុល្លាអាមេរិក កើន៣៨%បើប្រៀប ធៀបនឹងរយៈពេលដូចគ្នានៃឆ្នាំទៅមិញ។ បើគិត សរុបក្នុងឆមាសទី១ឆ្នាំ២០២១ ទំហំនាំចេញបន្លែនិងផ្លែឈើសម្រេចបានទឹកប្រាក់ជាង ២ពាន់លានដុល្លាអាមេរិក កើន១៧,៤%បើធៀបនឹងរយៈពេលដូចគ្នានៃឆ្នាំ២០២០៕