សហរដ្ឋអាមេរិកនៅតែជាចំណុចកណ្តាលនៃជំងឺរាតត្បាតនៅលើពិភពលោកដោយមានអ្នកឆ្លងជំងឺជិត ២,៣ លាននាក់ និងមានអ្នកស្លាប់ជាង ១២១.០០០ នាក់ផងដែរ។ ឈរបន្ទាប់ពីសហរដ្ឋអាមេរិក គឺប្រទេសប្រេស៊ីលដែលមានអ្នកឆ្លងជំងឺជាង ១ លាននាក់ និងមានអ្នកស្លាប់ជាង ៤៩.០០០ នាក់។

រីឯនៅអឺរ៉ុប ប្រទេសអង់គ្លេសគឺជាប្រទេសទី ៥ ដែលមានករណីឆ្លងជំងឺច្រើនជាងគេបំផុតនៅលើពិភពលោក ដែលមានចំនួនអ្នកឆ្លងជិត ៣០២.០០០ ករណីខណៈ ដែលអ្នកស្លាប់ដោយជំងឺឆ្លងនេះមានចំនួន ៤២.៤៦១ នាក់។

ជំងឺឆ្លងដ៏កាចសាហាវនេះក៏វិវត្តន៍កាន់តែស្មុគស្មាញនៅទ្វីបអាហ្វ្រិកផងដែរ។ នាថ្ងៃទី ១៩ ខែមិថុនា ប្រទេសអេហ្ស៊ីបបានកត់ត្រាករណីឆ្លងជំងឺចំនួន ១.៧៧៤ ករណីបន្ថែមទៀត ដែលជាការកើនឡើងខ្ពស់បំផុតក្នុងមួយថ្ងៃដែលនាំឱ្យចំនួនករណីសរុបកើនឡើងដល់ ៥២.២១១  ករណី ក្នុងនោះអ្នកស្លាប់មានចំនួនច្រើនជាង ២.០០០ នាក់ផងដែរ៕