ក្នុងក្របខ័ណ្ឌនៃមហោស្រពនេះ ចាប់ពីថ្ងៃបើក ដល់ថ្ងៃទី ២ ខែមេសា សកម្មភាពជាច្រើននឹងប្រព្រឹត្តទៅដូចជា៖ សិក្ខាសាលាប្រធានបទ “ដំណើរឆ្ពោះទៅអភិវឌ្ឍន៍នំប៉័ងវៀតណាម”; បង្ហាញបទពិសោធន៍ធ្វើនំប៉័ង;   ការបង្ហាញនំប៉័ងដែលផលិតពីបន្លែ និងផ្លែឈើវៀតណាម។ ពិធីបុណ្យនេះត្រូវបាន រំពឹងថានឹងទាក់ទាញអ្នកទស្សនាជាង ៥០.០០០ នាក់។ លោកស្រី Bui Thi Ngoc Hieu អនុប្រធានមន្ទីរទេសចរណ៍ទីក្រុងហូជីមិញ បានឲ្យដឹងថា៖ “ត្រឹមតែថ្ងៃដំបូងប៉ុណ្ណោះ ចំនួនអ្នកចូលទស្សនាមហោស្រពនេះមានច្រើនណាស់។ គណកម្មាធិការរៀបចំមានការរីករាយយ៉ាងខ្លាំងចំពោះការរីកសុះសាយនៃពិធីបុណ្យនំប៉័ងលើកដំបូងនេះ។ ហើយនេះជាព្រឹត្តិការណ៍លើកតម្កើងមុខម្ហូបវៀតណាមដោយមានសកម្មភាពជាបន្តបន្ទាប់ ដើម្បីទាក់ទាញភ្ញៀវទេសចរមកទីក្រុងហូជីមិញ ហើយព្រឹត្តិការណ៍នេះនឹងប្រព្រឹត្តទៅជារៀងរាល់ឆ្នាំ”។

រួមជាមួយពាក្យ “pho” “ao dai-អាវផាយ” “នំប៉័ង-banh mi” គឺជាពាក្យវៀតណាមដែលត្រូវបានកត់ត្រាក្នុងវចនានុក្រមអង់គ្លេស Oxford ឆ្នាំ ២០១១។ នំបុ័ងបានឈានចូលមកក្នុងជីវភាពរស់នៅប្រចាំថ្ងៃ ផ្សាភ្ជាប់ជាមួយប្រជាជនវៀតណាមទាំងអស់ ហើយត្រូវបានភ្ញៀវអន្តរជាតិទទួលស្វាគមន៍។ នំប៉័ងក្លាយជាមោទនភាពនៃមុខម្ហូបវៀតណាម ដែលជាមុខម្ហូបដែលអ្នកណាៗក្នុងពិភពលោកចង់ញ៉ាំក៏ត្រូវតែកុម្ម៉ង់ជាភាសាវៀតណាមដែរ។ មហោស្រពនេះមានគោលបំណងរួមចំណែកក្នុងការបង្កើត និងបញ្ជាក់តម្លៃ និងម៉ាកយីហោនំប៉័ងវៀតណាម ហើយទន្ទឹមនឹងនោះក៏លើកតម្កើងដល់សិប្បករ និងកម្មករដែលបានបង្កើតតម្លៃនៃនំប៉័ងនីមួយៗផងដែរ៕