យុវជនវៀតណាមចូលរួមកម្មវិធីសន្ទនាយុវជនអាស៊ានលើកទី ១ ឆ្នាំ ២០២២
(VOVWORLD) - គោលដៅនៃកម្មវិធីគឺបង្កលក្ខណៈងាយស្រួលសម្រាប់យុវជនអាស៊ាន និងកូរ៉េខាងត្បូងចូលរួមកិច្ចសន្ទនា និងលើកសំណើ និងអនុសាសន៍ទៅកាន់ថ្នាក់ដឹកនាំយុវជន និងថ្នាក់ដឹកនាំជាន់ខ្ពស់នៃប្រទេសសមាជិកអាស៊ាន ដើម្បីជំរុញស់ឱកាស និងដោះស្រាយបញ្ហាប្រឈមសំខាន់ៗនៃបដិវត្តន៍ឧស្សាហកម្មទី៤ ក្នុងបរិបទស្ដារឡើងវិញក្រោយជំងឺរាតត្បាត។
តបតាមការអញ្ជើញរបស់ក្រសួងអប់រំ យុវជន និងកីឡា នៃព្រះរាជាណាចក្រកម្ពុជា មជ្ឈឹមសម្ព័ន្ធយុវជន គណៈកម្មាធិការជាតិស្តីពីយុវជនវៀតណាម នឹងបញ្ជូនគណៈប្រតិភូយុវជនចំនួន ៥ រូបចូលរួម កម្មវិធីសន្ទនាយុវជននៃសមាគមប្រជាជាតិអាស៊ីអាគ្នេយ៍ (អាស៊ាន) លើកទី១ នៅឆ្នាំ២០២២ ក្រោមប្រធានបទ "យុវជនក្នុងយុគសម័យបដិវត្តន៍ឧស្សាហកម្មទី៤៖ ឱកាស និងបញ្ហាប្រឈមក្នុងការស្តារឡើងវិញក្រោយជំងឺរាតត្បាត" តាមទម្រង់អនឡាញ ចាប់ពីថ្ងៃទី ១៨ ដល់ ២៧ ខែកក្កដា ឆ្នាំ ២០២២ និងតាមទម្រង់ផ្ទាល់នៅខេត្តសៀមរាប កម្ពុជា ចាប់ពីថ្ងៃទី ២៤ ដល់ ២៧ ខែកក្កដា ឆ្នាំ ២០២២។
គោលដៅនៃកម្មវិធីគឺបង្កលក្ខណៈងាយស្រួលសម្រាប់យុវជនអាស៊ាន និងកូរ៉េខាងត្បូងចូលរួមកិច្ចសន្ទនា និងលើកសំណើ និងអនុសាសន៍ទៅកាន់ថ្នាក់ដឹកនាំយុវជន និងថ្នាក់ដឹកនាំជាន់ខ្ពស់នៃប្រទេសសមាជិកអាស៊ាន ដើម្បីជំរុញស់ឱកាស និងដោះស្រាយបញ្ហាប្រឈមសំខាន់ៗនៃបដិវត្តន៍ឧស្សាហកម្មទី៤ ក្នុងបរិបទស្ដារឡើងវិញក្រោយជំងឺរាតត្បាត។ ខ្លឹមសារនៃកម្មវិធីរួមមាន៖ ចំណេះដឹងអំពីការអភិវឌ្ឍប្រភពធនធានមនុស្សរបស់យុវជនក្រោយជំងឺកូវីដ-១៩ យុទ្ធសាស្ត្របដិវត្តន៍ ៤.០ ក្នុងអាស៊ាន; ការផ្លាស់ប្តូរយុវជនរវាងអាស៊ាន-កូរ៉េខាងត្បូង; តួនាទីរបស់យុវជនក្នុងការស្តារឡើងវិញក្រោយកូវីដ-១៩ ជាដើម៕