រដ្ឋមន្ត្រីការបរទេសនៃក្រុម G២០ គាំទ្រដំណោះស្រាយរដ្ឋពីរចំពោះបញ្ហាអ៊ីស្រាអែល-ប៉ាឡេស្ទីន
(VOVWORLD) - ថ្លែងនៅក្នុងពិធីបិទសន្និសីទរដ្ឋមន្ត្រីការបរទេស G20 នៅទីក្រុង Rio De Janeiro លោក Mauro Vieira រដ្ឋមន្ត្រីការបរទេសប្រេស៊ីល ដែលជាប្រទេសម្ចាស់ផ្ទះនៃសន្និសីទបានឲ្យដឹងថា ប្រទេសសមាជិក G២០ ជឿជាក់ថា ដំណោះស្រាយរដ្ឋពីរគឺជាមាគ៌ាតែមួយគត់ ដើម្បីសន្តិភាពក្នុងជម្លោះអ៊ីស្រាអែល-ប៉ាឡេស្ទីន។
យោងតាមរដ្ឋមន្ត្រីការបរទេស លោក Vieira ប្រទេសសមាជិក G២០ មួយចំនួនបានអំពាវនាវឱ្យមានបទឈប់បាញ់និងអនុញ្ញាតឱ្យជំនួយមនុស្សធម៌ចូលទៅកាន់តំបន់ហ្គាហ្សា ខណៈដែលប្រទេសជាច្រើនបានរិះគន់យុទ្ធនាការយោធារបស់អ៊ីស្រាអែលនៅរ៉ាហ្វា។
 កិច្ចប្រជុំរដ្ឋមន្ត្រីការបរទេស G២០ នៅទីក្រុង Rio de Janeiro ប្រទេសប្រេស៊ីល ថ្ងៃទី ២១ ខែកុម្ភៈ ឆ្នាំ ២០២៤។ រូបថត៖ AA/TTXVN |
នៅថ្ងៃដដែលនោះ អ៊ីស្រាអែលបានធ្វើការវាយលុកតាមជើងអាកាសទៅលើទីក្រុង Rafah នៅភាគខាងត្បូងនៃតំបន់ហ្គាហ្សា ក្នុងបរិបទដែលបណ្តាប្រទេសក្នុងតំបន់និងលោកខាងលិចកំពុងព្យាយាមជំរុញការចរចាដើម្បីសម្រេចបានកិច្ចព្រមព្រៀងឈប់បាញ់ជាំបណ្តោះអាសន្ន និងដោះលែងចំណាប់ខ្មាំង។ យោងតាមទីភ្នាក់ងារការពារជនស៊ីវិលនៅហ្គាហ្សាស្ទ្រីប ការទម្លាក់គ្រាប់បែកបានធ្វើឲ្យមនុស្សជាច្រើននាក់បានស្លាប់៕