រដ្ឋមន្ត្រីការបរទេសណាតូក្នុងកិច្ចប្រជុំក្រៅផ្លូវការក្នុងក្រុងប៊ែរឡាំង ប្រទេសអាល្លឺម៉ង់ កាលពីថ្ងៃទី១៥ ខែឧសភា ឆ្នាំ២០២២ (រូបថត៖ AFP/TTXVN)

នៅថ្ងៃទី ១៥ ខែឧសភា រដ្ឋមន្ត្រីការបរទេសអ៊ុយក្រែនបានជួបជាមួយរដ្ឋមន្ត្រីការបរទេសរបស់អង្គការណាតូនៅទីក្រុងប៊ែរឡាំង ដោយបានរាយការណ៍សង្ខេបអំពីស្ថានភាពជាក់ស្តែងនៅអ៊ុយក្រែន និងរបៀបដែលសម្ព័ន្ធភាពយោធាអាចពង្រឹងការគាំទ្ររបស់ខ្លួនសម្រាប់ប្រទេសអឺរ៉ុបខាងកើត។

មុននោះ នាថ្ងៃទី ១៤ ឧសភា រដ្ឋមន្ត្រីការបរទេសណាតូបានជួបប្រជុំដោយ ផ្តោតសំខាន់លើប្រតិបត្តិការយោធាពិសេសរបស់រុស្ស៊ីនៅអ៊ុយក្រែន និង “ទស្សនៈយុទ្ធសាស្ត្រ” ថ្មីរបស់ណាតូ។ កិច្ចប្រជុំនេះក៏មានការចូលរួមពី "ភ្ញៀវពិសេស" ដែលជាតំណាងនៃប្រទេសហ្វាំងឡង់ និងស៊ុយអែតផងដែរ។ យោងតាមក្រសួងការបរទេសអាល្លឺម៉ង់ រដ្ឋមន្ត្រីការបរទេសរបស់អង្គការណាតូបានពិភាក្សាអំពីរបៀបបន្តជួយឧបត្ថម្ភដល់អ៊ុយក្រែនក្នុងជម្លោះជាមួយរុស្ស៊ី រួមជាមួយនឹងផលប៉ះពាល់នៃ "ប្រតិបត្តិការយោធាពិសេស" របស់រុស្ស៊ីទៅលើសន្តិសុខរបស់ប្រទេសសមាជិកណាតូ៕