រដ្ឋមន្ត្រីការបរទេសអាមេរិកលោក Mike Pompeo

ថ្លែងមតិនៅក្នុងជំនួបជាមួយ រដ្ឋមន្ត្រីការបរទេសអាមេរិកលោក Mike Pompeo ដែលកំពុងបំពេញទស្សនកិច្ចនៅកូរ៉េខាងត្បូងនោះ លោក Moon Jae-in បានឲ្យដឹងថា៖ "មានទស្សនៈផ្សេងៗគ្នាជាច្រើន អំពីលទ្ធផលនៃជំនួបនេះប៉ុន្តែ ប្រការសំខាន់បំផុតគឺវាបានជួយឲ្យពិភពលោកទាំងមូល ក្នុងនោះមានប្រជាពលរដ្ឋអាមេរិក ជប៉ុន និងចិនរួចផុតពីការគំរាមកំហែងនៃសង្គ្រាមនុយក្លេអ៊ែរនិងមីស៊ីល។ ប្រការនេះគឺមានអត្ថន័យណាស់ "។

រីឯខ្លួនវិញ លោក Mike Pompeo បានចាត់ទុកថា៖ នៅតែមានកិច្ចការជាច្រើន ដែលត្រូវពិភាក្សា និងអនុវត្តន៍ ប៉ុន្តែលោកបានអះអាងថា៖ រាល់ការខិត្តខំប្រឹងប្រែងរបស់អាមេរិកសំដៅលុបបំបាត់អាវុធនុយក្លេអ៊ែរនិងមីស៊ីលរបស់ ស.ប.ប.ក នឹងទទួលបានជោគជ័យ ហើយនាំមកនូវសន្តិភាពនៅលើឧបទ្វីបកូរ៉េ។

នាថ្ងៃដដែល ក្រសួងការបរទេសកូរ៉េខាងត្បូងបានឲ្យដឹងថា៖ រដ្ឋមន្ត្រីការបរទេសអាមេរិក ជប៉ុន និងកូរ៉េខាងត្បូង នឹងមានជំនួបចរចានៅសេអ៊ូល នាថ្ងៃទី ១៤ មិថុនា ដើម្បីពិភាក្សាអំពីវិធី សំដៅឆ្ពោះទៅការលុបបំបាត់នុយក្លេអ៊ែរ ដែលទទួលបាននៅក្នុងជំនួបកំពូលរវាងអាមេរិក និងកូរ៉េខាងជើងផងដែរ៕