លោក Wang Yi បានជួបជាមួយអតីតរដ្ឋមន្ត្រីការបរទេសអាមេរិក លោក Henry Kissinger។ (ប្រភព៖ ក្រសួងការបរទេសចិន)

ថ្លែងមតិនៅជំនួបនេះ លោក Wang Yi បានចាត់ទុកថា ទំនាក់ទំនងរវាងអាមេរិកនិងចិននាបច្ចុប្បន្នមានកម្រិតទាប ចាប់តាំងពីពេលបង្កើតទំនាក់ទំនងការទូតមក ហើយលោកបានអំពាវនាវឲ្យអាមេរិកអនុវត្តន៍ឡើងវិញនូវគោលនយោបាយចិនឲ្យបានសមស្របនិងជាក់ស្ដែង។ លោកបានចាត់ទុកថា ភាគីទាំងពីរគប្បីអនុវត្តន៍កិច្ចសន្ទនាឡើងវិញ ជំនួសឲ្យការប្រឈមមុខដាក់គ្នា ការចរចាជំនួសឲ្យការបង្ខិតបង្ខំ ដោយផ្អែកទៅលើគោលការណ៍ចំនួន៣ គឺគោរពគ្នាទៅវិញទៅមក រួមរស់ប្រកបដោយសុខសន្តិភាព និងកិច្ចសហប្រតិបត្តិការឈ្នះ-ឈ្នះ។ នាថ្ងៃដដែល លោក Wang Yi បានជួបជាមួយអតីតរដ្ឋមន្ត្រីការបរទេសអាមេរិក លោក Henry Kissinger ហើយបានសម្តែងក្តីសង្ឃឹមថា លោក Kissinger នឹងបន្តដើរតួនាទីដ៏សំខាន់មួយ ដើម្បីជួយឲ្យទំនាក់ទំនងទ្វេភាគី វិលត្រឡប់ទៅរកមាគ៌ាត្រឹមត្រូវក្នុងពេលឆាប់ៗបំផុតតាមដែលអាចធ្វើទៅបាន៕