នាក់ដឹកនាំ ស.ប.ប កូរ៉េ លោក Kim Jong-Un

ទីភ្នាក់ងារព័ត៌មានកណ្តាល ស.ប.ប កូរ៉េ (KCNA) កាលពីថ្ងៃទី ១០ ខែមេសា បានផ្សាយថាថ្នាក់ដឹកនាំស.ប.ប កូរ៉េ លោក Kim Jong-Un បានចាត់ទុកថាស្ថានភាពនាពេលបច្ចុប្បន្នពិតជា"តានតឹង" ហើយលោកបានអំពាវនាវឱ្យមន្ត្រីនៅក្នុងការិយាល័យនយោបាយរបស់បក្សពលកម្ម ស.ប.ប កូរ៉េ កាន់អំណាច  ត្រូវអនុលោមតាមគោលមាគ៌ាយុទ្ធសាស្ត្រថ្មីរបស់បក្សក្នុងស្មារតី "ខ្លួនទីពឹងខ្លួន"។ ការថ្លែងមតិនេះបានសរឲ្យឃើញថា លោក Kim Jong-Un នឹងបន្តផ្តោតសំខាន់លើការអភិវឌ្ឍសេដ្ឋកិច្ចប្រទេសជាតិ ក្នុងបរិបទដែលរាល់កិច្ចចរចាទាក់ទងនឹងការរំសាយអាវុធនុយក្លេអ៊ែរជាមួយអាមេរិកនៅតែត្រូវបានជាប់គាំងផងដែរ៕