អនុប្រធានរដ្ឋសភា លោក Nguyen Khac Dinh អញ្ជើញដឹកនាំកិច្ចប្រជុំ នាថ្ងៃទី ២៧ ឧសភា  (រូបថត៖ VOV)

នៅពេលរសៀល គណៈប្រតិភូបានពិភាក្សាលើខ្លឹមសារមួយចំនួនដែលមានមតិផ្សេងៗគ្នានៃសេចក្តីព្រាងច្បាប់ស្តីពីរដ្ឋធានី (វិសោធនកម្ម)។

សេចក្តីព្រាងច្បាប់ស្តីពីការរៀបចំតុលាការប្រជាជន (វិសោធនកម្ម) គឺជាគម្រោងច្បាប់ដ៏សំខាន់មួយ ដែលមានគោលនយោបាយ និងបទប្បញ្ញត្តិថ្មីៗជាច្រើន ស្តីពីការរៀបចំ និងប្រតិបត្តិការរបស់តុលាការប្រជាជន ពាក់ព័ន្ធនឹងការរៀបចំ និងប្រតិបត្តិការរបស់ស្ថាប័ន មួយចំនួន និងពាក់ព័ន្ធជាមួយច្បាប់ជាច្រើនទៀត។ សេចក្តីព្រាងច្បាប់នេះមានគោលបំណងជំនះបញ្ហា និងភាពមិនគ្រប់គ្រាន់ក្នុងការអនុវត្ត ធ្វើអោយប្រសើរឡើងនូវគុណភាពនៃការកាត់ក្តី និងប្រសិទ្ធភាពប្រតិបត្តិការនៃប្រព័ន្ធតុលាការ និងបំពេញតាមតម្រូវការនៃកំណែទម្រង់ប្រព័ន្ធតុលាការ នៅក្នុងរយៈពេលថ្មីនេះ; ធានាឱ្យមានលក្ខណៈ ឯកភាពនៅក្នុងប្រព័ន្ធច្បាប់។

ច្បាប់រដ្ឋធានីត្រូវបានរដ្ឋសភាអនុម័តនៅថ្ងៃទី២១ ខែវិច្ឆិកា ឆ្នាំ២០១២ ហើយចូលជាធរមានចាប់ពីថ្ងៃទី១ ខែកក្កដា ឆ្នាំ២០១៣។ នេះគឺជាឯកសារច្បាប់ដ៏សំខាន់មួយដែលគ្រប់គ្រងតួនាទី ទំនួលខុសត្រូវ និងគោលនយោ បាយសម្រាប់កសាង អភិវឌ្ឍន៍ និងការពាររដ្ឋធានី។ ទោះជាយ៉ាងណាក៏ដោយ បន្ទាប់ពីរយៈពេលជាង ១០ ឆ្នាំនៃការអនុវត្តច្បាប់រដ្ឋធានី ចាំបាច់ត្រូវធ្វើវិសោធនកម្ម  ដើម្បីបង្កើនភាពម្ចាស់ការ ស្វ័យភាព និងកសាងប្រព័ន្ធនយោបាយរបស់ទីក្រុងហាណូយឱ្យមានភាពរលូន ប្រកបដោយប្រសិទ្ធភាពជាង៕