ទិដ្ឋភាពនៃសម័យប្រជុំរដ្ឋសភា នៅព្រឹកថ្ងៃទី១៧ ខែមិថុនា។ រូបថត៖ quochoi.vn

នាព្រឹកថ្ងៃទី ១៧ មិថុនា បន្តកម្មវិធីនៃសម័យប្រជុំលើកទី ៧ រដ្ឋសភាវៀតណាម នីតិកាលទី ១៥ នៅវិមានរដ្ឋសភា ក្រោមអធិបតីភាពរបស់ប្រធានរដ្ឋសភា លោក Tran Thanh Man រដ្ឋសភាបានពិភាក្សាអំពី “គោលការណ៍វិនិយោគលើគម្រោងវិនិយោគសាងសង់ផ្លូវល្បឿនលឿនខាងជើង-ខាងត្បូងប៉ែកខាងលិច កំណាត់ផ្លូវ Gia Nghia (Dak Nong) - Chon Thanh (Binh Phuoc)" និងពិភាក្សាស្ដីពីការកែសម្រួលគោលការណ៍វិនិយោគកម្មវិធីគោលដៅជាតិ អភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំ ដំណាក់កាល ២០២១ - ២០៣០។

ពិភាក្សាអំពីគោលការណ៍គម្រោងវិនិយោគ សាងសង់ផ្លូវល្បឿនលឿនខាងជើង-ខាងត្បូងប៉ែកខាងលិច កំណាត់ផ្លូវ Gia Nghia (Dak Nong) - Chon Thanh (Binh Phuoc) សមាជិកសភាបានឯកភាពគ្នាអំពីភាពចាំបាច់លើការវិនិយោគសាងសង់គម្រោង។ តាមនោះ សុក្រិតបណ្ដាញផ្លូវគោកល្បឿនលឿនជាជំហានៗបើកលំអអភិវឌ្ឍន៍ថ្មីសម្រាប់តំបន់នានា។ លោក Dieu Huynh Sang សមាជិកសភាខេត្ត Binh Phuoc បានឲ្យដឹងថា៖

“គម្រោងនេះមានអត្ថន័យដ៏សំខាន់ តភ្ជាប់តំបន់ខ្ពង់រាបកណ្ដាលជាមួយតំបន់ណាមបូខាងកើត តំបន់ណាមបូខាងលេច និងទីក្រុងហូជីមិញ។ ការវិនិយោគលើគម្រោងផ្លូវល្បឿនលឿន នឹងដោះស្រាយការកក់ស្ទះអំពីហេដ្ឋារចនាសម្ព័ន្ធផ្លូវគមនាគមន៍ បង្កើតលំហថ្មី កម្លាំងជំរុញការអភិវឌ្ឍសេដ្ឋកិច្ចសង្គម ធានាការពារជាតិ និងសន្តិសុខនៅតំបន់ណាបូខាងកើត និងតំបន់ខ្ពង់រាបកណ្តាល”។

នាព្រឹកថ្ងៃដដែល រដ្ឋសភាបានពិភាក្សាអំពីការកែសម្រួលគោលការណ៍វិនិយោគកម្មវិធីគោលដៅជាតិស្ដីពីការអភិវឌ្ឍសេដ្ឋកិច្ចសង្គមតំបន់ជនជាតិភាគតិច និងតំបន់ភ្នំ ដំណាក់កាល ២០២១ - ២០២៣។ សមាជិកសភាបានស្នើឲ្យរដ្ឋាភិបាលពិចារណា បំភ្លឺ និងកំណត់វិស័យជាក់ស្ដែង ជាពិសេសគឺវិស័យសុខាភិបាល និងអប់រំ ដើម្បីផ្ដោតសំខាន់លើតំបន់ដែលមានស្ថានភាពលំបាក លំបាកពិសេស និងឃុំទើបសម្រេចកម្មវិធីជនបទថ្មីផងដែរ៕