រដ្ឋសភាវៀតណាមមានតួនាទីសំខាន់ចំពោះការអភិវឌ្ឍន៍សិទ្ធិមនុស្ស (dangcongsan.vn)

        Vovworld-ក្នុងឱកាសទិវាសិទ្ធិមនុស្សអន្តរជាតិ(ទី១០ធ្នូ) នារសៀលថ្ងៃទី​១០
​ធ្នូនៅទីក្រុងហាណូយ គណៈកម្មាធិការកិច្ចការបរទេសរបស់រដ្ឋសភានិង​កម្មវិធី
អភិវឌ្ឍន៍អង្គការសហប្រជាជាតិ (UNDP) បានសហការរៀបចំ​សន្និសីទ​ដោយ​
ប្រធានបទ បណ្ដាអនុសញ្ញាអន្តរជាតិនិងច្បាប់វៀតណាមស្ដិពី​សិទ្ធិ​មនុស្ស។
​សន្និសីទបានប្រមូលផ្ដុំពិភាគ្សាទៅលើបណ្ដាអនុសញ្ញាអន្តរជាតិស្ដីពី​សិទ្ធិមនុស្ស
ដែលវៀតណាមជាសមាជិកក៏ដូចជាតួនាទីរបស់រដ្ឋសភាក្នុងការ​លើកដម្កើង
ការពារនិងជំរុញសិទ្ធិមនុស្ស។ បណ្ដាដំណាងបានវាយតំលៃខ្ពស់​ការ​ដែលរដ្ឋ
សភាអនុម័តលើរដ្ឋធម្មនុញ្ញឆ្នាំ២០១៣និងអនុម័តលើអនុសញ្ញាស្នូល​ចំនួន២។​
ប្រការនេះបង្ហាញនូវកិច្ចសន្យានយោបាយដ៏ខ្លាំងក្លារបស់វៀតណាម​ក្នុង​ការ
ការពារធានាសិទ្ធិមនុស្ស។ លោក Hoang Van Nghia អនុប្រធាន​វិទ្យាស្ថាន​ស្រាវ
ជ្រាវសិទ្ធិមនុស្ស សាលាសភាបណ្ឌិតនយោបាយជាតិហូជីមិញ​បានចាត់ទុកថា៖

        “តួនាទីរបស់រដ្ឋសភាដ៏សែនសំខាន់ក្នុងការមិនត្រឹមតែតាក់តែងច្បាប់ឃ្លាំ​
មើលការអនុវត្តច្បាប់ប៉ុណ្ណោះទេ ថែមទាំងឧទ្ទេសនាមអនុវត្តវិធានការទាក់ទង​
ផ្អែក​លើសិទ្ធិក្នុងដំណើរការអភិវឌ្ឍន៍​ក្នុងដំណើរការអនុម័តគោលនយោបាយ​
ពង្រាងច្បាប់ក៏ដូចជាឃ្លាំមើលការអនុវត្តនោះ។”

នៅសន្និសីទនេះដែរ លោកស្រី Pratibha Mehta អ្នកសម្រុះសម្រួល អង្គការ
​សហប្រជាជាតិប្រចាំនៅវៀតណាមបានឲ្យដឹងថា ក្នុងរបាយការពិនិត្យ​ប្រចាំ​ទូទៅ
(UPR) ឆ្នាំ២០១៤ វៀតណាមបានយល់ព្រមសំណើរជាច្រើន​រួមមាន​ការ​ចូលរួម
សមាហរណកម្មយ៉ាងខ្លាំងក្លាទៅលើរបបអន្តរជាតិស្ដីពីសិទ្ធិមនុស្ស ការពារនិង
ធានាសិទ្ធិសេរីភាពខាងសារព័ត៌មានខាងនិយាយស្ដីជាដើម។ លោក​ស្រីបាន
ចាត់ទុកថា រដ្ឋសភាវៀតណាមមានតួនាទីសំខាន់ចំពោះការអភិវឌ្ឍន៍​បណ្ដាសិទ្ធិ
មនុស្ស។​ហេតុនេះហើយរដ្ឋសភាត្រូវចូលរួមជាមួយរដ្ឋាភិបាលក្នុង​ដំណើរការ
កសាងផែនការសកម្មភាពដើម្បីអនុវត្តសំណើរនេះ៕