នៅមន្ទីរពេទ្យកីឡាវៀតណាម ដែលជាមន្ទីរពេទ្យតែមួយគត់ដែលមានឯកទេស ខាងកីឡានៅអាស៊ីអាគ្នេយ៍ ប្រធានគណៈកម្មាធិការឃោសនាអប់រំមជ្ឈិម លោក Nguyen Trong Nghia បានវាយតំលៃខ្ពស់ចំពោះការអភិវឌ្ឍរបស់មន្ទីរពេទ្យ ព្រមទាំង ស្នើឲ្យ ថ្នាក់ដឹកនាំមន្ទីរពេទ្យត្រូវកំណត់ចក្ខុវិស័យយុទ្ធសាស្រ្តសម្រាប់អនាគត ដើម្បី អាចរួមចំណែកទៅក្នុងសមិទ្ធផលនៃវិស័យសុខាភិបាល និងកីឡា។ ក្នុងនោះ ផ្តោត សំខាន់លើការស្រាវជ្រាវវិទ្យាសាស្ត្រ ការបណ្តុះបណ្តាល បំពាន់បំប៉នន់ជួរគ្រូពេទ្យ និង គិលានុបដ្ឋាយិករផ្នែកកីឡា ដើម្បីបម្រើប្រទេសជាតិទាំងមូល។ ក្នុងឱកាសនេះ លោក Nguyen Trong Nghia បានចុះសួរសុខទុក្ខ និងលើកទឹកចិត្តអ្នកជំងឺដែលកំពុងសម្រាក ព្យាបាលនៅមន្ទីរពេទ្យ។

ប្រធានគណៈកម្មាធិការឃោសនាអប់រំមជ្ឈិម លោក Nguyen Trong Nghia មកសួរសុខទុក្ខនិងអបអរសាទរមន្ទីរពេទ្យពហុព្យាបាល Tam Anh។ (រូបថត៖ VNA)

មកទស្សនាមន្ទីរពេទ្យពហុព្យាបាល Tam Anh លោក Nguyen Trong Nghia បានវាយតំលៃខ្ពស់ចំពោះសមិទ្ធិផលដែលប្រព័ន្ធមន្ទីរពេទ្យពហុព្យាបាល Tam Anh ប្រព័ន្ធចាក់វ៉ាក់សាំង VNVC និងក្រុមហ៊ុនឱសថ ECO សម្រេចបានក្នុងរយៈពេល ១៥ ឆ្នាំកន្លងមក ដែលបានថែទាំសុខភាព ពិនិត្យ ព្យាបាល ចាក់វ៉ាក់សាំងសម្រាប់កុមារ និងមនុស្សពេញវ័យរាប់សិបលាននាក់។ ជាពិសេស វាយតម្លៃខ្ពស់ចំពោះជោគជ័យ របស់អង្គភាពក្នុងការបញ្ជាទិញ និងនាំមកប្រទេសវៀតណាមនូវវ៉ាក់សាំងបង្ការ កូវីដ-១៩ ជាង ៣០លានដូស ដើម្បីរួមចំណែកទាន់ពេលវេលាក្នុងការងារបង្ការនិងទប់ស្កាត់ ជំងឺរាតត្បាត ការពារសុខភាពប្រជាជន៕