(VOVworld) - នាយប់ថ្ងៃទី១០ ធ្នូ ឯកអគ្គរដ្ឋទូតវៀតណាមប្រចាំនៅសឹង្ហបុរីលោក
Tran Hai Hau បានធ្វើអធិបតីនៅពិធីជប់លៀងក្នុងឱកាសរំលឹកខួបអនុស្សាវរីយ៍លើក
ទី៧០នៃទិវាបង្កើតកងទ័ពប្រជាជនវៀតណាម (ថ្ងៃទី២២ ធ្នូ ១៩៤៤)។ថ្លែងមតិនៅ
ទីនេះ លោក Tran Hai Hau បានអះអាងថា ក្នុងអំឡុង៧០ឆ្នាំកន្លងមក កងទ័ពប្រជា
ជនវៀតណាមបានសម្រេចភារកិច្ចដ៏ពិសិដ្ឋ រួមចំណែកក្នុងបុព្វហេតុដណ្ដើមឯក
រាជ្យ រំដោះនិងឯកភាពប្រទេសជាតិ និងនាបច្ចុប្បន្ននៅមានតួនាទីសំខាន់ក្នុងការ
រក្សាសន្តិភាព ឯករាជ្យ អធិបតេយ្យភាពនិងបូរណភាពដែនដី។

ឯកអគ្គរដ្ឋទូតវៀតណាមប្រចាំនៅអាហ្វ្រិកខាងត្បូងលោក Le Huy Hoang ថ្លែងមតិនៅពិធីរំលឹកខួប (រូបថត៖dantri.com.vn)

ក៏ក្នុងថ្ងៃដដែល នៅរដ្ឋធានី Pretoria របស់អាហ្វ្រិកខាងត្បូង ស្ថានទូតវៀតណាម
ប្រចាំនៅទីនេះ បានរៀបចំពិធីរំលឹកខួបអនុស្សាវរីយ៍លើកទី៧០នៃទិវាបង្កើតកង
ទ័ពប្រជាជនវៀតណាមយ៉ាងមហោឡារឹកផងដែរ។ថ្លែងមតិនៅពិធីនេះ ឧត្តសេ
នីយត្រី Thafeni របស់កងទ័ពអាហ្រ្វិកខាងត្បូង បានសំដែងការកោតសរសើរចំ
ពោះស្មារតីអង់អាចក្លាហាននិងយុទ្ធជ័យភ្លឺស្វាងដែលកងទ័ពប្រជាជនវៀតណាម
ទទួលបានក្នុងការតស៊ូដណ្ដើមឯករាជ្យមុននេះ។ឧត្តមសេនីយ៍ត្រី Thafeni ក៏បាន
អះអាងថា កងទ័ពអាហ្វ្រិកខាងត្បូងមានគោលបំណងជំរុញខ្លាំងទំនាក់ទំនង
សហប្រតិបតិ្តការលើវិស័យជាច្រើនជាមួយកងទ័ពប្រជាជនវៀតណាម ក្នុងនោះ
មានវិស័យសហប្រតិបតិ្តការអំពីបណ្ដុះបណ្ដាល ផ្លាស់ប្ដូរបច្ចេកវិទ្យាការពារជាតិ
រួមចំណែកក្នុងការបង្កើនទំនាក់ទំនងមិត្តភាពនិងកិច្ចសហប្រតិបតិ្តការជាប្រពៃ
ណីរវាងប្រទេសទាំង២៕