ប្រធានាអធិបតីរុស្ស៊ីលោក Vladimir Putin (រូបថត៖ Reuters)

ថ្នាក់ដឹកនាំរុស្ស៊ីរូបនេះក៏បានអះអាងថាទីក្រុងម៉ូស្គូមិនទាន់ឃើញមានការឆ្លើយតបណាមួយពីសហរដ្ឋអាមេរិក ឬដៃគូភាគីអឺរ៉ុបនៅឡើយទេ។ លោក Putin បានរំលឹកឡើងវិញអំពីសេចក្តីថ្លែងការណ៍នានាដោយអះអាងថាមីស៊ីល Tomahawk នៅលើសមុទ្រត្រូវបានធ្វើតេស្ត ហើយវាអាចកែតម្រូវបានដើម្បីបាញ់ចេញពីដីគោកដោយមានការផ្លាស់ប្តូរផ្នែកទន់ផងដែរ។ លោកបន្តទៀតថាការបាញ់បង្ហោះមីស៊ីលទាំងនេះរបស់អាមេរិកអាចត្រូវបានធ្វើឡើងពីមូលដ្ឋានបាញ់បង្ហោះនៅប្រទេសរ៉ូម៉ានី ហើយគ្រោងនឹងបង្ហាញមុខនៅក្នុងប្រទេសប៉ូឡូញនាពេលខាងមុខនេះផងដែរ។ ថ្នាក់ដឹកនាំរុស្ស៊ីក៏បានប្រកាសថារុស្ស៊ីត្រៀមខ្លួនរួចជាស្រេចដើម្បីធ្វើកិច្ចសន្ទនា ប៉ុន្តែសន្តិសុខរបស់ប្រទេសជាតិត្រូវតែធានាជាចម្បងផងដែរ៕