ប្រធានាធិបតីស៊ីរីលោក Bashar Al Assad

នៅក្នុងសារលិខិតអបអរសារទរនេះ ប្រធានាធិបតីរុស្ស៊ីលោកវ្លាឌីមៀរពូទីនបានអះអាងថា ប្រទេសរុស្ស៊ីនឹងបន្តជួយគាំទ្រប្រទេសស៊ីរី ដើម្បីការពារអធិបតេយ្យភាព និងបូរណភាពដែនដី ព្រមទាំងជួយឧបត្ថម្ភដល់ស៊ីរីនៅក្នុងដំណើរការ  កសាងប្រទេសជាតិឡើងវិញ។ ថ្នាក់ដឹកនាំរុស្ស៊ីបានជឿជាក់លើកិច្ចខិតខំប្រឹងប្រែងរួម របស់ប្រទេសទាំងពីរក្នុងការប្រយុទ្ធប្រឆាំងនឹងភេរវកម្មនៅស៊ីរី នឹងទទួលបានជោគជ័យដល់ទីបញ្ចប់ផងដែរ។

រីឯខ្លួនវិញ លោក Bashar Al Assad បានសង្កត់ធ្ងន់អំពីសារៈសំខាន់នៃការជំរុញទំនាក់ទំនងជាមួយរុស្ស៊ីលើគ្រប់វិស័យ ដើម្បីបម្រើផលប្រយោជន៍នៃប្រទេសទាំងពីរ។ ថ្នាក់ដឹកនាំស៊ីរីក៏បានវាយតម្លៃខ្ពស់ចំពោះសកម្មភាពជួយគាំទ្រផ្នែកយោធារបស់រុស្ស៊ីខណៈដែលប្រទេសនេះតែងតែប្រកៀកស្មាជាមួយកងទ័ពស៊ីរី ដោយអះអាងថារុស្ស៊ីបានរួមចំណែកយ៉ាងសកម្មក្នុងការប្រយុទ្ធប្រឆាំងនឹង  ភេរវកម្មលើទឹកដីស៊ីរីប្រកបដោយប្រសិទ្ធភាពផងដែរ៕