លោក Peskov បានឲ្យដឹងថា "វត្តមានប្រមូលផ្តុំនៃកប៉ាល់ណាតូ រួមទាំងប៊ុលហ្គារី និងរូម៉ានី ប្រទេសឆ្នេរសមុទ្រដែលជាសមាជិកនៃសម្ព័ន្ធភាពនេះ ... បានបង្កការគំរាមកំហែងបន្ថែមដល់សហព័ន្ធរុស្ស៊ី ជាពិសេសនៅពេលពិចារណាលើការចូលរួមដោយផ្ទាល់របស់ប្រទេសណាតូនៅក្នុងជម្លោះជុំវិញអ៊ុយក្រែន”។ លោកបានអះអាងថា រុស្ស៊ីនឹងចាត់វិធានការចាំបាច់ទាំងអស់ ដើម្បីធានាសន្តិសុខរបស់ខ្លួន។

អ្នកនាំពាក្យវិមានក្រឹមឡាំង លោក Dmitry Peskov ។ រូបថត៖ AFP/TTXVN

សេចក្តីប្រកាសរបស់លោក Peskov បានធ្វើឡើងបន្ទាប់ពីប្រធានាធិបតីអ៊ុយក្រែនលោក Volodymyr Zelensky ប្រកាសក្រឹត្យថ្មីមួយ ស្តីពីយុទ្ធសាស្ត្រសន្តិសុខដែនសមុទ្រ។ ក្រឹត្យនេះ គូសបញ្ជាក់ពីយុទ្ធសាស្ត្ររបស់ក្រុងកៀវសម្រាប់ការធានាសន្តិសុខនៅសមុទ្រខ្មៅ និងរួមបញ្ចូលវិធានការពង្រឹងកងទ័ពជើងទឹកអ៊ុយក្រែន រួមទាំងវត្តមានអចិន្ត្រៃយ៍នៃកងកម្លាំងណាតូនៅក្នុងសមុទ្រខ្មៅ៕