រុស្ស៊ីបានបំផ្លាញឧបាយកលវាយប្រហារភេរវកម្មនៅក្រុង Stavropol
(VOVWORLD) - ទីភ្នាក់ងារសន្តិសុខសហព័ន្ធរុស្ស៊ី (FSB) កាលពីថ្ងៃទី ២៩ ខែមីនា បានបញ្ជាក់ពីការចាប់ខ្លួនជនសង្ស័យចំនួន ៣ នាក់មកពី "ប្រទេសអាស៊ីកណ្តាល" ដែលកំពុងប៉ុនប៉ង់ធ្វើការវាយប្រហារនៅភាគខាងត្បូងប្រទេសរុស្ស៊ី។
យោងតាម FSB ជនសង្ស័យទាំងនេះ គ្រោងនឹងប្រព្រឹត្តអំពើភេរវកម្ម ដោយបំផ្ទុះឧបករណ៍មួយនៅតំបន់សាធារណៈ ក្នុងតំបន់ Stavropol។ ទន្ទឹមនឹងនេះ ទីភ្នាក់ងារសារព័ត៌មាន RIA Novosti បានរាយការណ៍ថា ផ្នែកនានានៃគ្រឿងផ្ទុះ និងសារធាតុគីមី ត្រូវបានរកឃើញនៅផ្ទះរបស់ជនសង្ស័យម្នាក់ក្នុងចំណោមជនសង្ស័យទាំងបីនេះ។
 ប៉ូលិសរុស្ស៊ីចូលរួមក្នុងសមយុទ្ធមួយនៅ Stavropol កាលពីថ្ងៃទី១០ ខែកក្កដា ឆ្នាំ២០១៤។ រូបថត៖ AFP/TTXVN |
តំបន់ Stavropol មានទីតាំងក្នុងតំបន់ Caucasus ខាងជើងនៅភាគខាងត្បូងប្រទេសរុស្ស៊ីដែលជាប់ជាមួយ Dagestan និង Chechnya និងតំបន់ផ្សេងទៀត។ សេចក្តីប្រកាសរបស់ FSB បានកើតឡើងមួយសប្តាហ៍បន្ទាប់ពីការវាយប្រហារភេរវកម្មកាលពីថ្ងៃទី ២២ ខែមីនា នៅសាលប្រគុំតន្ត្រី Crocus City Hall នៅជាយក្រុងម៉ូស្គូ ដែលបានសម្លាប់មនុស្សយ៉ាងហោចណាស់ ១៤៤នាក់៕