រូបភាពនៅ Army Games ឆ្នាំ២០២១។ (រូបថត៖ TTXVN)

កាលពីថ្ងៃទី១០ ខែសីហា ក្រសួងការពារជាតិរុស្ស៊ីបានធ្វើសន្និសីទសារព័ត៌មានមួយដើម្បីជូនដំណឹងអំពីការរៀបចំព្រឹត្តិការណ៍យោធានិងសន្តិសុខ សំខាន់ៗដែលនឹងប្រព្រឹត្តទៅនាពេលខាងមុខ។ អនុរដ្ឋមន្ត្រីក្រសួងការពារជាតិ រុស្ស៊ី លោកនាយឧត្តមសេនីយ៍ Pavel Popov បានឲ្យដឹងថា ប្រទេសចំនួន ៧២ បានបញ្ជាក់ពីការចូលរួមរបស់គណៈប្រតិភូយោធាផ្លូវការនៅក្នុងព្រឹត្តិការណ៍ សំខាន់ៗ រួមមាន៖ វេទិកាបច្ចេកទេស យោធាអន្តរជាតិ មហោស្រពកីឡាកងទ័ពអន្តរជាតិ (Army Games ២០២២) និងកិច្ចប្រជុំសន្តិសុខអន្តរជាតិទីក្រុងម៉ូស្គូលើកទី ១០។

វេទិកាបច្ចេកទេស-យោធាអន្តរជាតិនឹងត្រូវបានបើកនៅមជ្ឈមណ្ឌលសន្និសីទនិងពិព័រណ៍ "Patriot" នៅជាយទីក្រុងមូស្គូ នៅថ្ងៃទី ១៥ ខែសីហា។ សហគ្រាស និងអង្គការជាង ១៥០០ រួមទាំងបរទេស គ្រោងនឹងដាក់បង្ហាញគំរូផលិតផលថ្មីនៅតំបន់តាំងពិពណ៌ ក្នុងនោះផ្ដល់អាទិភាពចម្បងដល់វិស័យបញ្ញាសិប្បនិមិត្ត វិទ្យុអេឡិចត្រូនិក និងបច្ចេកវិទ្យាព័ត៌មាន។

ឆ្នាំនេះ Army Games ២០២២ នឹងបើកនៅថ្ងៃទី ១៣ ខែសីហា នៅទីលានហ្វឹកហាត់ Alabino។ ទ្រង់ទ្រាយព្រឹត្តិការណ៍នេះបន្តពង្រីកដោយមានការប្រកួតចំនួន ៣៤ ដែលគ្រោងនឹងធ្វើឡើងនៅតាមប្រទេសចំនួន ១២ រួមទាំងប្រទេស វៀតណាមផងដែរ។ សរុបមក មានក្រុមជាង ២៦០ មកពីប្រទេសចំនួន ៣៥ ដោយមានមនុស្សច្រើនជាង ៦៥០០ នាក់បានចុះឈ្មោះចូលរួម Army Games ២០២២។

ក្រៅពីនោះ ក្រសួងការពារជាតិរុស្ស៊ីនឹងរៀបចំពិធីរំលឹកខួប ១០ឆ្នាំនៃ សន្និសីទសន្តិសុខអន្តរជាតិនៅទីក្រុងមូស្គូ នៅថ្ងៃទី១៦ ខែសីហា។ ប្រតិភូជាង ៧០០ នាក់មកពីប្រទេសជាង ៧០ លើជុំវិញពិភពលោកនឹងអញ្ជើញចូលរួមក្នុង សន្និសីទនេះ៕